თბილისის საქალაქო სასამართლოში სამეფო ოჯახის მორიგი სასამართლო პროცესი დღეს განახლდა, თუმცა მოგვიანებით სასამართლო კოლეგიამ განაცხადა, რომ ანა ბაგრატიონ-გრუზინსკის სარჩელი უკან დაუბრუნდა.

აღსანიშნავია, რომ კოლეგიამ სარჩელი არ განიხილა. როგორც საქმის მოსამართლემ განმარტა, სარჩელზე ლეგიტიმური ინტერესი არ არსებობს. სამოქალაქო დავა საქართველოს სამეფო ოჯახის სახელის უნებართვოდ გამოყენებას ეხებოდა.

დავით ბაგრატიონ მუხრანელის ადვოკატი, ლევან ჩხეიძე მოსამართლეების გადაწყვეტილებით კმაყოფილია. 

„ჩვენ ამას ვიძახდით, რომ საქმე სასამართლომ საერთოდ არ უნდა განიხილოს, არათუ უარი უთხრას. ჩვენი შუამდგომლობაც ამაში მდგომარეობდა, რომ საქმე უნდა შეწყვეტილიყო დავის საგნის არარსებობის გამო. იმიტომ, რომ მოწინააღმდეგეს არ აქვს იურიდიული ინტერესი“, - აღნიშნა ადვოკატმა.

რაც შეეხება თავად ანა ბაგრატიონ-გრუზინსკის, მას სხდომის დასრულების შემდეგ აღნიშნულ საქმესთან დაკავშირებით, კომენტარი არ გაუკეთებია. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა