აღმაშენებლის ხეივნის მიმდებარედ ტაქსის მძღოლებმა გამაფრთხილებელი საპროტესტო აქცია გამართეს.

აქციის მონაწილეები ახალ რეგულაციების აპროტესტებენ, კერძოდ კი, მანქანების თეთრად გადაღებვის ვალდებულებას. ვალდებულებების შესასრულებლად ისინი დროის გადავადებას ითხოვენ.

მათი განმარტებით, ავტომობილების გადაღებვა იმაზე ძვირი ჯდება, ვიდრე მერიის მიერ გაცემული 700-ლარიანი ვაუჩერია. გარდა ამისა, მძღოლების თქმით, ავტომობილების თეთრად შეღებვა მანქანებს საბაზისო ფასს დაუკარგავს.

ერთ-ერთი მთავარი მოთხოვნა ისიცაა, რომ ავტომობილებმა ტექდათვალიერება წელიწადში მხოლოდ ერთხელ გაიარონ. ამ დროისთვის ტექდათვალიერება ტაქსებისთვის სავალდებულო წელიწადში ორჯერ არის. როგორც ცნობილია, 2019 წლის ოქტომბრიდან სავალდებულოა  ყველა ლიცენზირებული ტაქსი თეთრი ფერის გახდეს.

ტაქსის მძღოლების მასშტაბური აქცია 11 აპრილს, თბილისში გაიმართება.

ცნობისთვის; ტაქსის მძღოლებმა საპროტესტო აქტია 20 მარტს მერიასთანაც გამართეს, ისინი თბილისის მერთან, კახა კალაძესთან შეხვედრას ითხოვდნენ. მოგვიანებით აქციის მონაწილეებს ვიცე-მერი, ირაკლი ხმალაძე შეხვდა და ტაქსის მძღოლების მოთხოვნბს გაეცნო.

შეგახსენებთ, თბილისის საკრებულომ ტაქსების ახალი რეგულაციები 2018 წლის 7 დეკემბერს დაამტკიცა.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა