ანგარიში ჯერჯერობით არის აღმასრულებელი ხელისუფლების სასარგებლოდ ოპოზიციის წინააღმდეგ, ამიტომ შემოგვაქვს პოლიტიკური შოუს ელემენტები, - ამის შესახებ პარლამენტის თავმჯდომარემ ირაკლი კობახიძემ პლენარულ სხდომაზე განაცხადა, სადაც ეროვნული ბანკის პრეზიდენტს, კობა გვენეტაძეს უსმენენ.

როგორც კობახიძემ განმარტა, 12 წლის განმავლობაში პარლამენტს არ ჰქონდა შესაძლებლობა ისეთი ინტენსივობით მოესმინა აღმასრულებელი ხელისუფლების წარმომადგენლებისთვის, როგორც ეს ახალი რეგლამენტით არის შესაძლებელი.

„დღეს კობა გვენეტაძე არის მობრძანებული პარლამენტის პლენარული სხდომის ფორმატში და ის მოგვახსენებს ორ თემასთან დაკავშირებით მოსაზრებებს, ასევე გასცემს კითხვებს პასუხებს. რაც შეეხება, კომიტეტზე მოსვლის საკითხს, ამაზეც, ბუნებრივია, შეიძლება დაისვას კითხვა და გაიცეს პასუხი, თუმცა ეს არ არის აქ მსჯელობის საგანი. აქედან გამომდინარე, ჩემი შემოთავაზება იქნება, რომ კონცენტრირება მოვახდინოთ ძირითად საკითხზე. კობა გვენეტაძემ უნდა წარადგინოს მოხსენება ორ მნიშვნელოვან საკითხთან დაკავშირებით. კარგია, რომ ჩვენ გვაქვს შესაძლებლობა ამ საკითხებზე დავსვათ ყველა კითხვა და მივიღოთ პასუხი. ამის შესაძლებლობა არც ერთი წინა რეგლამენტით არ ჰქონდა არც ერთ პარლამენტს. ახალ პარალამენტს ამის შესაძლებლობა აქვს და ეს არის ერთ-ერთი უმთავრესი მიღწევა, რაც ამ 4 წლის განმავლობაში გვაქვს. წინა 12 წლის განმავლობაში სულ რვაჯერ ესტუმრა პლენარულ სხდომას ანგარიშვალდებული ორგანოს ხელმძღვანელი, მათ შორის, მინისტრი, პრემიერ-მინისტრი, ეროვნული ბანკის პრეზიდენტი და ა.შ. ეს რეკორდი მოიხსნა ამ სამი თვის განმავლობაში. მოდიან მინისტრები, არის სრული შესაძლებლობა, რომ დაისვას კითხვები და ამ კითხვებს მინისტრები სცემენ შესაბამის პასუხებს. რაც შეეხება წინა დებატებს, დავინახეთ, რომ ანგარიში ჯერჯერობით არის აღმასრულებელი ხელისუფლების სასარგებლოდ ოპოზიციის წინააღმდეგ. მესმის, რომ ამიტომ შემოგვაქვს პოლიტიკური შოუს ელემენტები, ესეც არ არის არასწორი მოვლენა, მსაჯი არის საზოგადოება. საპარლამენტო ცხოვრებისთვის ნორმალურია ის, რომ თუნდაც ზედამხედველობის ფორმატში შემოგვაქვს პოლიტიკური შოუს ელემენტები, მაგრამ მთავარია კონცენტრაცია შინაარსზე. ბატონი კობა გააკეთებს მოხსენებას. გამოვხატავთ პოზიციებს და ამას შეხედავს საზოგადოება“, - აღნიშნა ირაკლი კობახიძემ.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა