თავდაცვის მინისტრმა, ლევან იზორიამ პარლამენტის პლენარულ სხდომაზე „მინისტრის საათის“ ფორმატში, „ევროპული საქართველოს“ წევრის ირაკლი აბესაძის მიერ დასმულ კითხვას უპასუხა, რომელიც მის მიერ შევსებულ დეკლარაციას ეხებოდა.

მინისტრის თქმით, ყველა მონაცემი ასახულია დეკლარაციაში, რომელიც ყველასთვის არის ხელმისაწვდომი. 

„ქონება2012 წელს შევიძინე, ვიდრე საჯარო სამსახურში დავიწყებდი მუშაობას, აკადემიური საქმიანობის დროს არა მხოლოდ თბილისში, არამედ გერმანიაშიც. ვარ ერთ-ერთი ყველაზზე პრესტიჟული ფონდის წარმომადგენელი. ჰუმბორტის ფონდი, რომელშიც ვმონაწილეობდი როგორც მიწვეული სტუმარი - პროფესორი, ეს მონაცემები შემიძლია უბრალოდ გაჩვენოთ. რაც შეეხება დეკლარაციას, აქ ითქვა, რომ დეკლარაციაში არ არის სახლის მშენებლობის ხარჯები. ჩაიხედეთ დეკლარაციის მეორე გვერდზე გრაფაში, რომელიც 2017 წელს გაჩნდა, კერძოდ გადახდილი საფასურის ოდენობა. იქ სრულად არის ასახული როგორც მიწის ნაკვეთის, ისე სახლის მშენებლობის საფასური სრული და ნამდვილი ციფრებით. ყველაფერი საჯარო ბიუროსთან ერთად შევადგინეთ. ერთ-ერთი არასამთავრობო ორგანიზაციის მიერ გამოითქვა მოსაზრება, რომ წლის ბოლოს ერთიანი დანახარჯები, რომელიც 1500 ლარს აღემატება, თურმე დეკლარაციაში უნდა იყოს დაფიქსირებული, რაც არასწორია. ეს თემა ბიუროსთან გავიარეთ. ამ შემთხვევაში კვების ფულიც აღემატება 1500 და დეკლარაციაში ხომ არ ჩავწერთ?!
დეკლარაცია ყველასთვის ხელმისაწვდომია, ვისაც აინტერესებს შეუძლია გაეცნოს და თუ კიდევ გაგიჩნდებათ კითხვები, შემიძლია გიპასუხო“, - განაცხადა იზორიამ. 

ავტორი: ექსპრესნიუსი,

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა