„ბოლო წლების განმავლობაში საქართველოში, როგორც ჩანს მართლაც არის სერიოზული პრობლემა ფულის გათეთრება, ნარკოვაჭრობა და აქედან მიღებული თანხების ლეგალიზება“, - ასე აფასებს „ევროპული საქართველოს“ წევრი სერგი კაპანაძე აშშ-ის სახელმწიფო დეპარტამენტის ანგარიშს.

რაც შეეხება მმართველი გუნდის მხრიდან ანგარითან დაკავშირებით გაკეთებულ შეფასებებს, კაპანაძე აცხადებს, რომ ხელისუფლება ყოველთვის ცდილობს, კრიტიკა სხვას გადააბრალოს.

„ბოლო წლების განმავლობაში საქართველოში, როგორც ჩანს მართლაც არის სერიოზული პრობლემა ფულის გათეთრება, ნარკოვაჭრობა, თუ აქედან მიღებული თანხების ლეგალიზება. ბუნებრივია, ქვეყანაში ამას ნოყიერი ნიადაგი აქვს. ერთის მხრივ ეს არის გაზრდილი კრიმინალი, რომელსაც ხელისუფლება ვერაფერს უშვრება და მეორე მხრივ, ეს  ზოგადად, არაფორმალური, კლანური მმართველობა და კონკრეტული ადამიანების ინტერესები სხვადასხვა ფინანსურ სექტორებში. არასწორია ხელისუფლების დამოკიდებულება, როცა ყველა კრიტიკულ შენიშვნას, იქნება ეს მოხსენებაში, რეზოლუციაში თუ სხვაგან, აწერენ არასამთავრობო ორგანიზაციების მხრიდან არასწორად მიწოდებულ ინფორმაციას. ეს არასწორია, არაჯანსაღია და ჯამში არის რაღაც სარკის დამტვრევის მცდელობა“, - განაცხადა სერგი კაპანაძემ.

ცნობისთვის, აშშ-ის სახელმწიფო დეპარტამენტმა ნარკოტიკების კონტროლის საერთაშორისო სტრატეგიის შესახებ ანგარიშში გამოაქვეყნა. ანგარიშში მსოფლიოს 70 ქვეყანაში, მათ შორის საქართველოში შექმნილი ვითარებაა მიმოხილული. დოკუმენტში ნათქვამია, რომ გასული წლის ივლისში საქართველომ სამედიცინო მიზნებისათვის მარიხუანის კულტივაციისა ლეგალიზება და პირადი მოხმარების დეკრიმინალიზება მოახდინა. ასევე ანგარიშში ვკითხულობთ, რომ ქვეყანაში სინთეტიკური ნარკოტიკი კვლავ ყველაზე პოპულარულია. გარდა ამისა, დოკუმენტის თანახმად, საქართველოში უკანონო შემოსავლის ძირითადი ნაწილი საბანკო თაღლითობას და კიბერდანაშაულს უკავშირდება.

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე