პარლამენტში დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან ზვიად კვაჭანტირაძის გადაყენების საკითხზე მსჯელობენ, - აღნიშნული დადგენილების პროექტი დეპუტატებს პარლამენტის თავმჯდომარე ირაკლი კობახიძემ გააცნო.

მისი თქმით, ამ თანამდებობაზე ზვიად კვაჭანტირაძე უმრავლესობის მიერ იყო წარდგენილი და რადგანაც კვაჭანტირაძემ მმართველი გუნდი დატოვა, უმრავლესობამ მისი თანამდებობიდან გადაყენების გადაწყვეტილება მიიღო.

„ნაციონალური მოძრაობის“ წევრის, თინა ბოკუჩავამ თქმით, აღნიშნული გადაწყვეტილება არ შეესაბამება იურუდიულ ნორებს და უმრავლესობა განსხვავებული აზრის მქონე დეპუტატებისთვის სადამჯელო ღონისძიებებს ახორციელებს.

„რა იურიდიული საფუძველი აქვს თქვენს ამ გადაწყვეტილებას? ზოგადად, დემოკრატიულ ქვეყნებში, ძალიან ბევრგან, მთელ რიგ წამყვან კომიტეტებში თავმჯდომარეები არიან ოპოზიციის წარმომადგენლები. მე ეს პოზიცია არაერთხელ გამიჟღერებია, მათ შორის, რეგლამენტის ცვლილების დროს და მივმართე ქალბატონ თამარ ჩუგოშვილს ამ ინიციატივით, მაგრამ ეს არ იქნა გათვალისწინებული. ახლა უკვე ვხედავთ, რომ არამხოლოდ ოპოზიციის წარმომადგენლებისთვის არის დახურული კომიტეტის თავმჯდომარეობის შესაძლებლობა, არამედ თქვენი პარლამენტის პირობებში, ნებისმიერი ადამიანი, რომელიც გაბედავს, რომ ოდნავ კრიტიკული აზრიც კი დააფიქსიროს, სადამსჯელო ოპერაციის შედეგად, ჩამოშორებული იქნება ნებისმიერ საპარლამენტო თანამდებობას. ვფიქრობ, რომ ეს თქვენ გაკნინებთ, როგორც პარლამენიტის თავმჯდომარეს, პარლამენტს აკნინებს, როგორც ქვეყნის უმაღლეს საკანონმდებლო ორგანოს და უბრალოდ სამარცხვინო სიტუაციაში გვაყენებს, სადაც პირდაპირ ბიძინა ივანიშვილის დიქტატის გადაწყვეტილებები უნდა აღასრულოთ თქვენ და ნებისმიერი განსხვავებული აზრი უნდა დასაჯოთ ასეთი ფორმით, რომელსაც არანაირი იურიდიული არგუმენტი და საფუძველი არ გააჩნია. აქ უკვე მოახდინეს ციტირება რეგლამენტის 30-ე მუხლის, შესაბამისად, რეგლამენტის ეს მუხლი ღიად ამბობს იმას, რომ თქვენ არანაირი აკრძალვა კანონის მიხედვით არ გაგაჩნიათ, შესაბამისად, ერთადერთი აკრძალვა არის ბიძინა ივანიშვილი ნება-სურვილი, რომ ამ პარლამენტში ნებისმიერი რაიმე საპარლამენტო თანამდებობა უკავია ბრმად და მონურად ასრულებდეს ყველა მის დაკვეთას“, - განაცხადა თინა ბოკუჩავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება