საქართველოს საფეხბურთო ნაკრების მთავარმა მწვრთნელმა ვლადიმერ ვაისმა ტელეკომპანია "იმედის" ეთერში 19 წლის ნახევარმცველის გიორგი ჩაკვეტაძის შესახებ ისაუბრა.

ახალგაზრდა ფეხბურთელი ტრავმის გამო ჩვენი გუნდის განაცხადში, შვეიცარიასა და ირლანდიასთან მატჩებისთვის, არ არის, თუმცა "გენტმა" დღეს, 17 მარტს "სენტ ტრუიდენთან" შეხვედრისთვის 18-კაციან სიაში შეიყვანა.

"ჩაკვეტაძის სიტუაცია ცოტა გაუგებარია, მასთან დაკავშირებით ფეხბურთის ფედერაციას "გენტთან" ხშირი კონტაქტი ჰქონდა. ჩვენმა ექიმმაც გასინჯა ის, სიტუაცია მარტივი არ არის. მას მუხლი აქვს შესიებული და ისმის კითხვა: საჭიროა თუ არა ოპერაცია?

გიორგი 2 დღე მუშაობდა პირველ გუნდთან ერთად. ვნახოთ, იქნება თუ არა დღეს საბოლოო განაცხადში. მას ასპროცენტიანი სათამაშო კონდიცია არ აქვს. ჩაკვეტაძე უნიჭიერი მოთამაშეა, 19  წლის ასაკში ნაკრების წამყვანი მოთამაშე და ბომბარდირია. დარწმუნებული ვარ, სიტუაციას ნათელი მოეფინება." - განაცხადა ვლადიმერ ვაისმა.

საქართველოს ეროვნული ნაკრები პირველ შეხვედრას 23 მარტს შვეიცარიის წინააღმდეგ "დინამო არენაზე" გამართავს, 27 მარტს კი ირლანდიის ნაკრებს დუბლინში დაუპირისპირდება.
 

ავტორი: ,

სოციალური ქსელები

ევროკომისიამ რუსეთის მოქალაქეებისთვის ვიზების გაცემის გამკაცრების პირობა დადო

კრემლმა პუტინისა და გერმანიის ყოფილ კანცლერ შროდერის შეხვედრის შესახებ განაცხადა

პუტინის პასუხის შემდეგ, ზელენსკიმ რუსეთის მხრიდან საომარი მოქმედებების შეწყვეტის სურვილის არქონაზე მიუთითა და სანქციების გამკაცრებისკენ მოუწოდა

აზოვის ზღვაში დრონის თავდასხმის შედეგად ხუთი აზერბაიჯანელი მეზღვაური დაიღუპა