2019-03-13 20:22:55, 1597 ნახვა

---

ჯაფარიძე სესიაშვილს - ან გააუქმებთ სამხედრო სავალდებულო სამსახურს, ან გამოვალთ რუსთაველზე და საპატრიარქო ვერ გიშველის

პოლიტიკური გაერთიანება „გირჩის“ ლიდერი ზურაბ ჯაფარიძე პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილს მიმართავს.

ჯაფარიძე სესიაშვილის ინიციატივას ეხმაურება, რომლის მიხედვითაც, არამართლმადიდებელ მღვდელმსახურებს სამხედრო სავალდებულო სამსახურის გადავადება აღარ შეეძლებათ.

 „გირჩის“ ლიდერი სავალდებულო სამსახურის გაუქმებას ითხოვს, წინააღმდეგ შემთხვევაში კი, ფართომასშტაბიან აქციებს აანონსებს.

 „15,000-ზე მეტი ახალგაზრდა გადავარჩინეთ 1 წლიან მონობას, სამსახურის დაკარგვას, კარიერის და ოჯახების დანგრევას, ჯანმრთელობის პრობლემებს და თავდაცვაში უკვე ფესვგადგმულ საბჭოთა „ძედავშინას“. ან გააუქმებთ სავალდებულო სამხედრო სამსახურს, ან შეაჩერებთ მაგ ენითაუწერელ მავნებლობას, ან მე დავურეკავ ყველას სათითაოდ, ოჯახებით და მეგობრებით გამოვიყვან რუსთაველზე, და ვერ გიშველის საპატრიარქო“, - წერს ზურაბ ჯაფარიძე.

---

ავტორი: ,

---

დღის თემა

მთავარი თემა

ინტერვიუ - ექსკლუზივი