მხარეებმა დეტალურად განიხილეს აზიურ ფაროსანასთან ბრძოლის ღონისძიებების განხორციელების პროცესში ფუტკრის მოვლასთან დაკავშირებული საკითხები.

„ჩვენთვის ძალიან მნიშვნელოვანია მეფუტკრეების მაქსიმალური ჩართულობა აზიური ფაროსანას წინააღმდეგ ბრძოლის ღონისძიებების დაგეგმვისა და განხორციელების პროცესში. პრაქტიკოს მეფუტკრეებთან თანამშრომლობით ზუსტად უნდა განისაზღვროს შეწამვლითი სამუშაოების ვადები. აღსანიშნავია, რომ გასული ორი წლის გამოცდილების გათვალისწინებით, წელს მოსახლეობის შეტყობინების უფრო მოქნილი სისტემა იმუშავებს“, - განაცხადა ლევან დავითაშვილმა.

შეხვედრაზე მინისტრმა ხაზგასმით აღნიშნა, რომ დარგის განვითარების ხელშეწყობისთვის აქტუალურია ცოდნის გაღრმავება. შესაბამისად, სამინისტრო საკონსულტაციო კომპანიების, დარგის მაღალკვალიფიციური სპეციალისტების საქართველოში მოწვევის, ასევე, ქართველი მეფუტკრეების საზღვარგარეთ სასწავლო მივლინების  მიმართულებით დაიწყებს მუშაობას.

საუბარი შეეხო ცხოველთა რეგისტრაცია-იდენტიფიკაციის სისტემის საკითხს. აღინიშნა, რომ მნიშვნელოვანია მიკვლევადობა და ამ მიმართულებით მეფუტკრეობის სასოფლო-სამეურნეო კოოპერატივებისთვის სახელმწიფო პროგრამის ფარგლებში განხორციელებული მხარდაჭერა. 

შეხვედრაზე გადაწყდა, რომ მარტის ბოლოს სამინისტროში მეფუტკრეებთან შეხვედრა კვლავ გაიმართება, სადაც შეჯერდება მოსაზრებები და დაგეგმილი კონკრეტული აქტივობები.

ქართველ მეფუტკრეებთან გამართულ შეხვედრას სურსათის ეროვნული სააგენტოს და გარემოს დაცვისა და სოფლის მეურნეობის სამინისტროს შესაბამისი სამსახურების წარმომადგენლები ესწრებოდნენ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია