2019-02-07 14:17:20, 1122 ნახვა
საზოგადოება
ჩუგოშვილი ბატიაშვილს: ია კერზაიას საქმეზე კითხვები არ უნდა დავტოვოთ
პარლამნეტის ვიცე-სპიკერის, თამარ ჩუგოშვილის თქმით, ზუგდიდის მე-6 სკოლის დირექტორის, ია კერზაიას საქმეში შეკითხვები არ უნდა დარჩეს.
როგორც მან დღეს გამართულ საგაზაფხულო სესიის პლენარული სხდომაზე, განათლების, მეცნიერების, სპორტისა და კულტურის მინისტრს, მიხეილ ბატიაშვილს მიმართა, მის განმარტებებს ელოდება ამ საკითხთან დაკავშირებით.
„არ შემიძლია მეც რომ არ გამოვეხმაურო ქალბატონი ია კერზაიას თემას, ბევრმა დასვა უკვე ეს შეკითხვა და ვიცი, რომ ამაზე ალბათ ისაუბრებთ და გექნებათ ამაზე პასუხები, მაგრამ მეც მინდა ჩემი პოზიცია დავაფიქსირო ამასთან დაკავშირებით, ეს ისეთი საკითხი არის, სადაც მე ვფიქრობ, რომ კითხვები არ უნდა დავუტოვოთ, მის ოჯახის წევრებს, საზოგადოებას და პირველ რიგში, მის შვილს, ასე, რომ ველოდები ამ საკითხთან დაკავშირებით თქვენს მოსაზრებებს“, - მიმართა ჩუგოშვილმა.
![]()
ავტორი: ,
epn.ge (@expressnews.ge)
