თბილისში, ქეთევან წამებულის ქუჩაზე, სადაც დღეს 7ადამიანი გაზით ინტოქსიკაციის შედეგად გარდაცვლილი იპოვეს, დედაქალაქის მერმა კახა კალაძემ და „სამოქალაქო მოძრაობის“ ლიდერმა, ალეკო ელისაშვილმა იკამათეს.

ელისაშვილი აცხადებდა, რომ მომხდარზე პასუხისმგებლობა „ყაზტრანსგაზს“ და თბილისის მერიას ეკისრება.

იგი კალაძისგან პრობლემასთან დაკავშირებით ღია შეხვედრის გამართვას ითხოვდა.

 „იმ კომპანიას, რომელიც ამ ამბავშია, შენ მოუგვარე ყველაფერი. გააკეთეთ საჯარო შეხვედრა, ან თუნდაც კამერების გარეშე. თუ გინდათ მე ნუ დამიძახებთ ვისაც ესმის ის მიიყვანეთ“, - მიმართა ელისაშვილმა კახა კალაძეს.

მანვე აღნიშნა, რომ „ყაზტრანსგაზის“ გენერალური დირექტორი უნდა გადადგეს.

კამათი დაახლოებით 1 წუთს გაგრძელდა. ამის შემდეგ, ელისაშვილს თბილისის მერის მოადგილე სოფიო ხუნწარია გაესაუბრა.

შეგახსენებთ, ქეთევან წამებულის 67 ნომერში, ერთ-ერთ საცხოვრებელ სახლში გაზით ინტოქსიკაციის შედეგად 7 ადამიანი გარდაიცვალა. როგორც „ყაზტრანსგაზში“ განაცხადეს, მომხდარი მიზეზი კუსტარულად დამონტაჟებული წყლის გამაცხელებელი გახდა. კომპანიამ ოქმიც გამოაქვეყნა, რომლის თანახმადაც, აღნიშნულ ბინაში მათმა თანამშრომლებმა წყლის გამაცხელებელი შემოწმების დროს დალუქეს, რადგან უსფრთხოების ნორმებს არ აკმაყოფილებდა.  მიმდინარეობს გამოძიება.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა