საქართველოს პირველი დემოკრატიული რესპუბლიკის შესახებ იუსტიციის სამინისტროს ეროვნული არქივის  ყოველწლიურ სასკოლო-საგანმანათლებლო პროექტში მონაწილეობის მსურველთა რეგისტრაცია დაიწყო. განაცხადების მიღება 25 თებერვლის ჩათვლით გაგრძელდება.

საგანმანათლებლო პროექტს - საქართველოს პირველი დემოკრატიული რესპუბლიკა - 2015 წელს ჩაეყარა საფუძველი და მისი მიზანი ჩვენი ქვეყნის 1918-1921 წლების ისტორიით მოსწავლეთა დაინტერესებაა. პროექტის არეალი ყოველწლიურად იზრდება. 2018 წელს მასში საქართველოს ყველა რეგიონის 374 ზოგადსაგანმანათლებლო სკოლის 2200-ზე მეტი მოსწავლე იყო ჩართული.

პროექტი საქართველოს განათლების, მეცნიერების, კულტურისა და სპორტის სამინისტროს მხარდაჭერით ხორციელდება.

კონკურსში მონაწილეობა შეუძლიათ VIII-XII კლასის მოსწავლეებს. ვიქტორინის ნახევარფინალური ეტაპი „რა? სად? როდის?" ინტელექტუალური თამაშის პრინციპით 2019 წლის აპრილში ერთდროულად ჩატარდება თბილისში, ქუთაისსა და ბათუმში. ყველაზე მაღალქულიანი 50 სკოლის გუნდი ერთმანეთს შეეჯიბრება ფინალში, რომელიც 2019 წლის მაისში თბილისში შედგება.

გამარჯვებულები გამოვლინდებიან რამდენიმე ნომინაციაში და   სხვადასხვა პრიზითა და სიგელით დაჯილდოვდებიან.

პროექტის შესახებ დეტალური ინფორმაციის მიღება შესაძლებელია ბმულზე: http://www.archives.gov.ge/ge/saqartvelos-pirveli-demokratiuli-respublika.

ფოტოზე: 2018 წელს გამართული ფინალი.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა