2019 წელს დიღმის ჭალებში პარკის მოწყობის სამუშაოები დაიწყება. პროექტის ღირებულება 11 620 192 ლარია და ის ორი წლის განმავლობაში განხორციელდება, - ამის შესახებ დედაქალაქის მერმა კახა კალაძემ 2019 წლის მსხვილი პროექტების პრეზენტაციაზე განაცხადა.

მისი თქმით, საქალაქო პარკების მოწყობა გენერალური გეგმითაც გაწერილია და მათგან ერთ-ერთი სწორედ დიღმის ჭალებში განთავსდება.

„ძალიან ბევრს ვსაუბრობთ ეკოლოგიური მდგომარეობის გაუმჯობესებაზე, თუ რა უნდა გააკეთოს მუნიციპალიტეტმა და მოსახლეობამ, რათა არსებული მდგომარეობა გამოვასწოროთ. გარკვეული რეგულაციები შემოვიღეთ, გავამკაცრეთ მიდგომა სამშენებლო მიმართულებით. ასევე, ძალიან დიდ ყურადღებას ვაქცევთ მწვანე სივრცეების შექმნას.  არცერთი სამშენებლო ნებართვა არ გაცემულა ჩვენი მხრიდან მწვანე სივრცეების ხარჯზე, სპორტული მოედნების ხარჯზე და ა.შ. ძალიან დიდი ყურადღება ექცევა იმას, რომ შევქმნათ ძალიან ბევრი მწვანე სივრცე. გენერალურ გეგმაშიც გაწერილია, რომ აუცილებელია საქალაქო პარკების მშენებლობა და ერთ-ერთი მათგანი სწორედ დიღმის ჭალების პარკია. 11 მილიონზე მეტი ჯდება ამ პროექტის განახორციელება და მას 2019 წელს დავიწყებთ. პროექტი უკვე არსებობს და უახლოეს დღეებში უკვე გამოვაცხადებთ მშენებლობაზე ინტერესთა გამოხატვას“, - განაცხადა კახა კალაძემ.

დედაქალაქის მერის თქმით, პარკში განთავსებული იქნება მრავალფეროვანი ინფრასტრუქტურა, სპორტული მოედნები, საბავშვო სივრცეები და კაფე-ბარები.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა