გლდანის რაიონის გამგებელმა ბექა მიქაუტაძემ გასული წლის საქმიანობის ანგარიში წარადგინა. პრეზენტაციას რაიონში მცხოვრები მოქალაქეები, სხვადასხვა სფეროს წარმომადგენლები და სამოქალაქო მრჩეველთა საბჭოს წევრები დაესწრნენ. 

2018 წელს გლდანის რაიონის გამგეობის მიერ სხვადასხვა პროექტები განხორციელდა, მათ შორის, 119 131  კვ.მ ფართობზე შეკეთდა და მოწესრიგდა საგზაო ინფრასტრუქტურა; სკვერების მოწყობა-რეაბილიტაცია 27 მისამართზე განხორციელდა; სპორტული მოედნების მოწყობა-რეაბილიტაციისა და შეკეთების სამუშაოები 34 მისამართზე ჩატარდა, ფიტნეს ტრენაჟორები კი, 12 მისამართზე დამონტაჟდა.

დასასვენებელი პავილიონები 20 მისამართზე მოეწყო; ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, განხორციელდა 138 პროექტი; 20 მისამართზე მოეწყო ქუჩიდან კორპუსებთან მისასვლელი კიბე და პანდუსი; ასევე, 14 მისამართზე მოეწყო ლითონის მოაჯირები, ხოლო ხუთ მისამართზე გრუნტის დამჭერი კედელები; მიწისქვეშა კომუნიკაციების რეაბილიტაცია 7 მისამართზე ჩატარდა; განხორციელდა რკინის ავტოფარეხების დემონტაჟი და მათ ნაცვლად, სკვერი მოეწყო.

გამგეობის კულტურის, განათლების, სპორტისა და ახალგაზრდობის განყოფილების ორგანიზებით, ჩატარდა 13 სპორტული, საგანმანათლებლო და კულტურულ-შემეცნებითი ღონისძიება.

„მოსახლეობას დეტალურად გავაცანით, თუ რა პროექტები განხორციელდა 2018 წლის განმავლობაში. კიდევ ბევრი საკითხია მოსაგვარებელი და თავისთავად, ამ გამოწვევების მოგვარებას მიმდინარე წელს, ახალი შემართებით შევუდექით. ანგარიშთან ერთად, მოქალაქეებს 2019 წლის ბიუჯეტზეც ვესაუბრეთ და მიმდინარე წლის გეგმები, პრიორიტეტები გავაცანით. რასაკვირველია,რაიონში არსებული ინფრასტრუქტურის მოწესრიგება  და სხვა სამუშაოები აქტიურად გაგრძელდება“, - განაცხადა ბექა მიქაუტაძემ.

გლდანის რაიონში გასულ წელს განხორციელებული პროექტებისთვის ჯამში, 16 683 445 ლარი დაიხარჯა. ბიუჯეტი 99.07 %-ით შესრულდა.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა