04:43 - 14 May, 2026
ჩვენ შესახებ რეკლამა/ხელმოწერა
2019-01-23 09:34:18, 1283 ნახვა

პოლიტიკა
იზორია ამერიკულ სამხედრო ხომალდზე გამართულ მიღებას დაესწრო

ბათუმის პორტში აშშ-ის საზღვაო ძალების სარაკეტო გამანადგურებელი ხომალდი „დონალდ კუკი" იმყოფება. ამერიკულ ხომალდზე გამართულ ოფიციალურ მიღებას საქართველოს თავდაცვის მინისტრი ლევან იზორია დაესწრო.

ცერემონიის მონაწილეებს საქართველოს თავდაცვის მინისტრმა სიტყვით მიმართა. ლევან იზორიას განცხადებით, აღნიშნული ხომალდის ვიზიტი კიდევ ერთხელ უსვამს ხაზს აშშ-ის ურყევ მხარდაჭერას საქართველოსადმი.

ოფიციალური მიღების ცერემონიამდე ხომალდის კაპიტანმა მეთიუ პაუელმა საქართველოს თავდაცვის მინისტრს გემი დაათვალიერებინა და მისი ტაქტიკურ-ტექნიკური მახასიათებლები გააცნო.

ხომალდზე გამართულ ოფიციალურ მიღებას თავდაცვის მინისტრის პირველი მოადგილე ლელა ჩიქოვანი, საქართველოში აშშ-ის ელჩის მოვალეობის შემსრულებელი როზ უილსონი და ადგილობრივი ხელისუფლების წარმომადგენლები დაესწრნენ.

აშშ-ის ელჩის მოვალეობის შემსრულებლის განმარტებით, თავდაცვის მინისტრი და მისი გუნდი ახორციელებენ ძალიან მნიშვნელოვან რეფორმებს, რათა გაძლიერდეს საქართველოს თავდაცვითი შესაძლებლობები.

"დონალდ კუკი" საქართველოში მეორედ იმყოფება. ტაქტიკური რაკეტებითა და საარტილერიო დანადგარებით აღჭურვილი ამერიკული გემი საქართველოს ტერიტორიულ წყლებში 25 იანვრამდე დარჩება და სანაპირო დაცვის სამსახურთან ერთად სხვადასხვა წვრთნაში მიიღებს მონაწილეობას.

ამერიკული სამხედრო ხომალდის შემოსვლა მიზნად ისახავს სტაბილურობის განმტკიცებას შავ ზღვასა და მთლიანად რეგიონში.
“დონალდ კუკი” სარაკეტო გამანადგურებელი ხომალდია, რომელიც აღჭურვილია “არლი ბიორკის” ტიპის მართვა.

 

(NS)

 





ავტორი: ,


სოციალური ქსელები
უკრაინამ ექვს თვეში გააორმაგა განადგურებული რუსული საჰაერო თავდაცვის სისტემების რაოდენობა.
უკრაინის ზაკარპატიის რეგიონზე დრონებით თავდასხმის გამო უნგრეთის საგარეო საქმეთა სამინისტრომ რუსეთის ელჩი დაიბარა
ალექსანდრიის პატრიარქი შიო III-ს: გილოცავთ და თქვენი დღეგრძელობისთვის ვლოცულობთ
ირაკლი შაიშმელაშვილმა აშშ-ში პოლიტიკური თავშესაფარი მიიღო
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics