იურიდიული კომიტეტის თავმჯდომარის მოვალეობას დავით მათიკაშვილი შეასრულებს

2019-01-14 12:47:16, 1419 ნახვა

პოლიტიკა

პარლამენტის იურიდიულ საკითხთა კომიტეტის თავმჯდომარის მოვალეობას საპარლამენტო უმრავლესობის დეპუტატი დავით მათიკაშვილი შეასრულებს.

მათიკაშვილი კომიტეტის დღევანდელ სხდომაზე აირჩიეს. მას მხარი კომიტეტის 11-მა წევრმა დაუჭირა.

შეგახსენებთ, იურიდიული კომიტეტის თავმჯდომარის თანამდებობა ეკა ბესელიამ გასული წლის ბოლოს დატოვა. მასთან ერთად, პირველი მოადგილის პოსტი დატოვა ვანო ზარდიაშვილმა. მოგვიანებით ბესელიამ კომიტეტის თავმჯდომარის მოვალეობის შემსრულებლად გედევან ფოფხაძე წარადგინა, თუმცა თანაგუნდელებმა ბესელია პროცედურის დარღვევაში დაადანაშაულეს და ფოფხაძე კომიტეტიდან გაიწვიეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები