აღსრულების ეროვნული ბიურო - ყველაზე კომუნიკაბელური საჯარო უწყება

2019-01-04 11:14:37, 1246 ნახვა

საზოგადოება

აღსრულების ეროვნული ბიურო საჯარო ინსტიტუციებს შორის ყველაზე კომუნიკაბელურ უწყებად დასახელდა.

წლის ნომინანტები და ნომინაციები ორგანიზაცია ,,ახალგაზრდა ადვოკატებმა“ საკუთარი საქმიანობის შემაჯამებელი ღონისძიების ფარგლებში გამოავლინეს.

,,ახალგაზრდა ადვოკატების“ აღმასრულებელი გუნდის გადაწყვეტილებით, ნომინაციები იმ საჯარო უწყებებს, კერძო ორგანიზაციებსა და ჟურნალისტებს გადაეცათ, რომელთაც პროფესიული ვალდებულებები პირნათლად შეასრულეს.

ორგანიზაციის ანგარიში და დაჯილდოების ცერემონია 2014 წლიდან იმართება. ,,ახალგაზრდა ადვოკატების“ წლის საქმიანობის შემაჯამებელ ღონისძიებაზე აღინიშნება პროფესიული წრისა და იმ ინსტიტუციების დამსახურებული როლი, რომლებმაც საზოგადოებრივი მაღალი ნდობის პირობებში, საკუთარი უფლებამოსილებები და ვალდებულებები კეთილსინდისიერად შეასრულეს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები