თბილისის შოთა რუსთაველის სახელობის საერთაშორისო აეროპორტში შესაძლო მართლსაწინააღმდეგო ქმედების საფრთხის ლოკალიზების მიზნით სრულმასშტაბიანი პრაქტიკული სწავლება გაიმართა.

წვრთნაში პირველად ჩაერთო რობოტო გამნაღმველი, საჰაერო ხომალდის ანგარის ტერიტორიაზე აღმოჩენილი საეჭვო ნივთი გამოიტანა და მისი გაუვნებელყოფა უსაფრთხო ადგილას მოახდინა.

სწავლებაში მონაწილეობა მიიღეს ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთანების“ საავიაციო უშიშროების დეპარტამენტისა და თბილისის საერთაშორისო აეროპორტის პერსონალმა, ტავ ჯორჯიას წარმომადგენლებმა, შსს დაცვის პოლიციის დეპარტამენტის შესაბამისმა დანაყოფმა და სახელმწიფო უსაფრთხოების სამსახურის განაღმვის სამსახურმა.

სრულმასშტაბიანი პრაქტიკული სწავლების დასრულების შემდეგ დასკვნითი ბრიფინგი გაიმართა, რომელიც  ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტორის მოადგილემ უშიშროების დარგში დავით ჯაბუამ შეაჯამა. მისი განცხადებით, სწავლების მიზანია საგანგებო სიტუაციის დადგომისას დანაყოფთა საქმიანობის კოორდინირება და პერსონალის უნარ-ჩვევების დახვეწა.

საქართველოს აეროპორტებში სრულმასშტაბიანი პრაქტიკული სწავლებები პერიოდულად, წელიწადში რამდენჯერმე ტარდება.

(R)

ავტორი: ,

სოციალური ქსელები

აშშ-მ და ირანმა ომის დასრულების შესახებ შეთანხმებას მოაწერეს ხელი

ტრამპმა შეაქო უკრაინის შეიარაღებული ძალების სამხედრო ტექნიკა და თქვა, რომ ისინი „საკმაოდ კარგად უძლებენ“

უკრაინამ სამი დღის განმავლობაში მეორედ დაარტყა მოსკოვის ნავთობგადამამუშავებელ ქარხანას

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება