საქართველოს მთავრობამ ამერიკის შეერთებული შტატების ელჩის თანამდებობაზე ბრიჯიტ ბრინკის კანდიდატურა დაბლოკა, - ინფორმაციას ამერიკული გამოცემა Foreign Policy-ი ავრცელებს.

გამოცემის ჟურნალისტები რობი გრამერი და ემი მაკინნონი ანონიმურ წყაროებზე დაყრდნობით წერენ, ამის მიზეზი საქართველოს მთავრობაში რამდენიმე პირის პოზიცია გახდა, რომლებიც მიიჩნევენ, რომ ბრინკი ქვეყნის ყოფილი პრეზიდენტის, მიხეილ სააკაშვილის მიმართ კეთილგანწყობილი ფიგურაა.

გამოცემის ცნობით, ვაშინგტონში მოქმედმა და ყოფილმა მაღალი თანამდებობის პირებმა განუცხადეს, რომ ქართული მხარე აშშ-ის ელჩის პოსტზე დიპლომატიურ შეთანხმებას ხელს არ მოაწერს და ელჩს არ დაამტკიცებს.

Foreign Policy-სთან აშშ-სა და საქართველოში რამდენიმე წყარომ ივარაუდა, რომ ბრიჯიტ ბრინკის კანდიდატურის დაბლოკვის გადაწყვეტილების უკან „ქართული ოცნების“ თავმჯდომარე, ბიძინა ივანიშვილი დგას, თუმცა, გამოცემის ცნობით, ამ ბრალდების დადასტურება Foreign Policy -მა ვერ შეძლო.

შეგახსენებთ, ბრიჯიტ ბრინკის კანდიდატურის დაბლოკვის შესახებ მედიაში ინფორმაცია რამდენიმე თვის წინაც გავრცელდა.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო