„ჩვენს ამოცანად რჩება, რომ ეს ხლისუფლება შეიცვალოს და ამასთან დაკავშირებით გრძელვადიან სტრატეგიას შევიმუშავებთ“, - ამის შესახებ „ევროპული საქართველოს“ ერთ-ერთმა ლიდერმა სერგი კაპანაძემ ჟურნალისტებს პარტიის პოლიტსაბჭოს სხდომამდე განუცხადა.

როგორც მან აღნიშნა, სხდომაზე სამომავლო გეგმებზე იმსჯელებენ, მათ შორის გადაწყვეტენ, მიიღებენ თუ არა კვირას, გაერთიანებული ოპოზიციის მიერ დაგეგმილ აქციაში მონაწილეობას.

„ევროპული საქართველო" დღეს გეგმავს, რომ ჩაატაროს პოლიტსაბჭოს სხდომა. პოლიტსაბჭოს ყველა წევრი იქნება, იქნებიან რეგიონული ლიდერები, პარტიის ხელმძღვანელობა და ჩვენ განვიხილავთ იმ ნაბიჯებს, რომლებსაც გადავდგამთ უახლოეს მომავალში. ჩვენს ამოცანად რჩება, რომ ეს ხელისუფლება შეიცვალოს, ბიძინა ივანიშვილის ხელისუფლება დამარცხდეს და ამასთან დაკავშირებით გრძელვადიან სტრატეგიას შევიმუშავებთ", - განაცხადა კაპანაძემ.

რაც შეეხება ყოფილი პრეზიდენტის, მიხეილ სააკაშვილის განცხადებას სამოქალაქო დაუმორჩილებლობასთან დაკავშირებით, კაპანაძე აცხადებს, რომ „ევროპული საქართველოსთვის“ მსგავსი მოწოდებები მიუღებელია.

„პროტესტის გზით პოლიტიკური პოზიციის დაფიქსირება ჩვეულებრივი ამბავია, ამაში არაფერი გასაოცარი არაა, ეს არის ნებისმიერი ადამიანის კონსტიტუციური უფლება. თუმცა, კატეგორიულად არ ვემხრობით არც რაიმე ტიპის არეულობას, არც მათ შორის მოწოდებას ჯარისა და პოლიციისადმი დაუმორჩილებლობასთან დაკავშირებით. მიგვაჩნია, რომ ეს ყველაფერი არის არასწორი გზა, ამიტომ ამას არ შევუერთდებით. კონსტიტუციურ ფარგლებში ჩვენი პოზიციის გამოხატვასა და ბრძოლის გაგრძელებაზე, ვიმსჯელებთ პოლიტსაბჭოს სხდომაზე და იქ მივიღებთ გადაწყვეტილებას“, - განაცხადა სერგი კაპანაძემ.

ავტორი: ,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან