სროლა კაფე „სტრადასთან“ - დაჭრილია ერთი ადამიანი

2018-11-26 19:01:27, 1419 ნახვა

საზოგადოება

თბილისში, კაფე "სტრადასთან" სროლა იყო, რის შედეგადაც ერთი პირია დაჭრილი.

გავრცელებული ინფორმაციით, ახალგაზრდა მამაკაცს პისტოლეტიდან რამდენჯერმე ესროლეს.

ტელეკომპანია "რუსთავი 2"-ის ცნობით, მამაკაცი სასწრაფო დახმარების ეკიპაჟს და საპატრულო პოლიციას არ დაელოდა. მან ტერიტორია თავად დატოვა.

მომხდარს „ნაციონალური მოძრაობის“ წევრი ნიკა რურუა შეესწრო. მისი თქმით, დაჭრილს პირველადი დახმარება კაფეშივე აღმოუჩინეს.

„ვიჯექით აქ მე და ჩემი მეგობარი. ვსვამდით ყავას და სადღაც 10 მეტრის უკან, ამ ვერანდაზე, მოპარვით როგორც ჩანს 5-ჯერ თუ 6-ჯერ ესროლეს და ერთ-ერთი მათგანი დაიჭრა. შიგნით შემდეგ ფეხზე გადავუჭირეთ „ჟგუტი“ და უთხარით რომ საავადმყოფოში წაგიყვანთო და "არა, არა, ჩემით წავალო" და როგორც ჩანს თავისით წავიდა. სასწრაფოს არ დაელოდნენ და პოლიციაც ერთი 10 წუთის შემდეგ მოვიდა. სასიკვდილო ჭრილობა როგორც ჩანს არ აქვს“, - განაცხადა ნიკა რურუამ.

როგორც "ექსპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 236-ე მუხლით მიმდინარეობს, რაც ცეცხლსასროლი იარაღის მართლსაწინააღმდეგოდ შეძენა შენახვა ტარებას გულისხმობს

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები