თბილისის საკრებულოს სხდომაზე სიტყვიერი დაპირისპირება მოხდა.

დაპირისპირება „ნაციონალური მოძრაობის“ წევრის, ლევან ხაბეიშვილის გამოსვლას მოჰყვა, რომელმაც თბილისის მერი კახა კალაძე გააკრიტიკა და და მმართველი გუნდის წარმომადგენლებს მისთვის მილანის „ინტერის“ მაისურის გადაცემა სთხოვა.

„თბილისური და ქალაქური არ ესმის მერს და არაფრის გათვალისწინება არ უნდა. ხალხის წინააღმდეგ რომ არის სულ, დედაქალაქის მერს მის ენაზე მინდა, დაველაპარაკო. ეს არის მილანის „ინტერის“ ფორმა. „მილანი" და მილანის „ინტერი“ არიან დაპირისპირებულები და კალაძე თბილისელებს უყურებს, როგორც "ინტერის" ფეხბურთელებს, როგორც მოწინააღმდეგეებს. ეს ფორმა გადაეცით კალაძეს“, - განაცხადა ლევან ხაბეიშვილმა.

მისმა გამოსვლამ მმართველი გუნდის წარმომადგენლების გაღიზიანება გამოიწვია. „ქართული ოცნების“ ერთ-ერთი დეპუტატი ილია ჯიშკარიანი შეეცადა, ლევან ხაბეიშვილისთვის მისივე მოტანილი მაისური ჩაეცვა. ამის გამო მცირე შეხლა-შემოხლას ჰქონდა ადგილი, თუმცა ვითარება  მალევე განიმუხტა.

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა