სომხეთის პრემიერ-მინისტრის მოვალეობის შემსრულებელი ნიკოლ ფაშინიანი არ გამორიცხავს, რომ გეოპოლიტიკური საკითხების გამო, ირანთან და საქართველოსთან საზღვარი დაიხუროს, - ამის შესახებ "Sputnik Армения" იუწყება.

როგორც ფაშინიანმა განაცხადა, "ცოტა ხნის წინ მას ერთ ძალიან გამოცდილ დიპლომატთან ჰქონდა შეხვედრა და ამ შეხვედრისას მან აღწერა სიტუაცია, რომელშიც სომხეთი იმყოფება. კერძოდ, ფაშიანის განმარტებით, ორი საზღვარი - თურქეთთან და აზერბაიჯანთან დახურულია, ხოლო ორი დარჩენილი საზღვარი შეიძლება ითქვას, ნახევრად გახსნილია.

„სომხეთ-ირანის საზღვარი, მაგალითად, შეიძლება დე-ფაქტო დაიხუროს ირანსა და ამერიკას შორის ურთიერთობების და რთული გეოპოლიტიკური სიტუაციის გამო. საზღვარი საქართველოსთან ასევე შეიძლება დაიხუროს ცუდი ამინდის ან გეოპოლიტიკური სიტუაციის გამო. რა გამოდის, რომ სომხეთი კუნძულია ზღვის გარეშე და ასეთ შემთხვევაში რა უნდა ვქნათ?“, - განაცხადა ნიკოლ ფაშინიანმა და დასძინა, რომ მოყვანილმა არგუმენტებმა დიპლომატი გააოცა.

აღსანიშნავია, რომ პრემიერ-მინისტრის მოვალეობის შემსრულებელმა პარლამენტში სიტყვით გამოსვლისას დიპლომატის ვინაობ არ დაასახელა. მან არც ის განმატა, თუ რა კონტექსტში მიმდინარეობდა საუბარი.

გარდა ამისა, ფაშიანიანის თქმით, ურთიერთობა ირანთან და საქართველოსთან ყველანაირი გეოპოიტიკური გავლენისგან უნდა იყოს თავისუფალი. ფაშინიანი აშშ-ის პრეზიდენტის მრჩევლის ჯო ბოლტონის განცხადებასაც გამოეხმაურა.

"სომხეთი პატივისცემით ეკიდება ყველა ქვეყნის მაღალჩინოსნის განცხადებას, თუმცა ერევანს საკუთარი ეროვნული და სახელმწიფოებრივი ინტერესები გააჩნია. არავის უნდა ეპარებოდეს ეჭვი, რომ ქვეყნის პოლიტიკას ჩვენ ინტერესებზე დაყრდნობით ვაყალიბებთ. ეს აქტუალურია ყველა ქვეყნის - ამერიკის, ირანის და რუსეთთის შემთხვევაშიც", - განაცხადა ნიკოლ ფაშინიანმა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს