შინაგან საქმეთა სამინისტროს აქვს დავალებული მთელი ქვეყნის მასშტაბით უზრუნველყოფილი იყოს წესრიგი რათა ამომრჩეველს მიეცეს თავისუფალი არჩევანის გაკეთების საშუალება, - ამის შესახებ პრემიერ-მინისტრმა მამუკა ბახტაძემ მთავრობის ადმინისტრაციაში გამართულ ბრიფინგზე განაცხადა.

მისი თქმით, 28 ოქტომბერს თითოეული ამომრჩევლის ხმა დაცული იქნება.

„საზოგადოების მოთხოვნა და სრუვილი, რომ გვქონოდა თავისუფალი ევროპული ტიპის წინასაარჩევნო კამპანია, ვერ მოხერხდა ბოლომდე გარკვეული პოლიტიკური ძალების დესტრუქციული რიტორიკის გამო და ჩვენ არ დავუშვებთ, რომ საარჩევნო პროცესში დისონანსი შეიტანოს რომელიმე უპასუხისმგებლო პოლიტიკურმა ძალამ. მთელ წინასაარჩევნო პერიოდში ყველა პოლიტიკური სუბიექტისთვის უზრუნველყოფილი იყო თანაბარი საარჩევნო გარემო და თითოეულ ამომრჩეველს ექნება საშუალება გააკეთოს თავისუფალი არჩევანი და თითოეული ამომრჩევლის ხმა იქნება დაცული. შინაგან საქმეთა სამინისტროს აქვს დავალებული მთელი ქვეყნის მასშტაბით უზრუნველყოფილი იყოს წესრიგი რათა ამომრჩეველს მიეცეს თავისუფალი არჩევანის გაკეთების საშუალება“, - განაცხადა ბახტაძემ.

მან  ადგილობრივ და საერთაშორისო სადამკვირვებლო ორგანიზაციებს და მედიასაშუალებებს, მოუწოდა, მაქსიმალურად აქტიურები იყვნენ. ამასთან, ბახტაძემ აღნიშნა, რომ რამდენიმე წამყვან საერთაშორისო ორგანიზაციას საქართველოში დამკვირვებლების რაოდენობის გაზრდა პირადად სთხოვა.

„მიუხედავად იმისა, რომ კანონით მკაფიოდ არის განსაზღვრული ადმინისტრაციული რესურსის ამკრძალავი რეგულაციები, ჩემი ინიციატივით მთავრობამ მიიღო დადგენილება, რათა კიდევ ერთხელ გამოირიცხოს ადმინისტრაციული რესუსრის გამოყენება. გარდა ამისა, იუსტიციის სამინისტროში მუშაობს უწყებათშორისი კომისია, რომელიც განიხილავს ადმინისტრაციულ რესურსის გამოყენებასთან დაკავშირებით ნებისმიერ საკითხს. ამავე დროს, მოვუწოდებ ყველას, დარღვევების არსებობის შემთხვევაში გამოიყენონ სამართლებრივი მექანიზმები და შეიტანონ საჩივრები, რათა საარჩევნო ადმინსიტრაციას ჰქონდეს უფლება, განიხილოს და გამოავლინოს დამრღვევი პირები. დარწმუნებული ვარ, 28 ოქტომბერი საქართველოში იქნება დემოკრატიის გამარჯვების კიდევ ერთი დღე“, - განაცხადა პრემიერმა.

ავტორი: ,

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა