ტელეკომპანია „ტვ პირველის“ გადაცემა „რეაქციის“ წამყვანი ინგა გრიგილია, „ქართული ოცნება - დემოკრატიული საქართველოს“ თავმჯდომარე ბიძინა ივანიშვილთან დაგეგმილ ინტერვიუზე არ მივა.

როგორც ჟურნალისტმა facebook-ის საკუთარ გვერდზე დაწერა, გადაცემა „რეაქცია“ ზუსტად იმ დროს მთავრდება, როცა ყოფილ პრემიერთან ინტერვიუა დაანონსებული, შესაბამისად მისვლას ვერ მოახერხებს.

„გამარჯობა მეგობრებო, რადგან ამდენი ადამიანი მირეკავს და მეკითხება,მივდივარ თუ არა ხვალ ბიძინა ივანიშვილის ინტერვიუზე,ბარემ აქვე დავწერ,სიამოვნებით წავიდოდი,რადგან მგონია,რომ საინტერესო ბრიფინგი იქნება,მაგრამ ხვალ 20.00-ზე მეწყება გადაცემა ,,რეაქცია,, რომელიც გრძელდება ზუსტად იმ დრომდე,როცა იწყება ბიძინა ივანიშვილის ინტერვიუ ჟურნალისტებთან.ფიზიკურად ვერ მოვახერხებ,ამიტომ ტვ,,პირველი,, გადაწყვეტს ,ვინ მიიღებს მონაწილეობას ჩვენგან ამ შეხვედრაში. მადლობა ყურადღებისთვის, p.s-- ჩავამატებ ბარემ,ნებისმიერ დროს სიამოვნებით ავიღებ ინტერვიუს მისგან“, - წერს ინგა გრიგოლია.

ცნობისთვის, ყოფილი პრემიერ-მინისტრი, „ქართული ოცნება - დემოკრატიული საქართველოს“ თავმჯდომარე ბიძინა ივანიშვილი ხვალ ჟურნალისტების შეკითხვებს უპასუხებს.

როგორც „ექსპრესნიუსს“ „ქართული ოცნების“ პრესსამსახურიდან აცნობეს, ივანიშვილი 23 ოქტომბერს, 22:00 საათზე, სამი ტელევიზიის მთავარი პოლიტიკური თოქ-შოუების წამყვანებს: ტელეკომპანია „იმედიდან“ - ირაკლი ჩიხლაძეს, ტელეკომპანია „რუსთავი 2“-დან - გიორგი გაბუნიას და „ტვ პირველიდან“ - ინგა გრიგოლიას, მასთან ინტერვიუზე იწვევს.

ავტორი: ,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან