"ჩვენი ძირითადი ინვესტორი ქვეყნები არიან ის ქვეყნები, რომლებიც დამოკიდებულნი არიან ნავთობის ფასზზე. ამიტომ, საინვესტიციო მადა ასეთ ქვეყნებში აღარაა ისეთი, როგორიც იყო მაშინ, როცა ნავთობის ფასი მაღალი იყო",-. ამის შესახებ ვიცე-პრემიერმა, ეკონომიკის მინისტრმა, გიორგი  კვირიკაშვილმა ჟურნალისტებს პირველ კვარტლაში პირდაპირი უცხოური ინვესტიციების 34%-ით შემცირების კომენტირებისას განუცხადა.

ეკონომიკის მინისტრის თქმითვე, სტატისტიკურად, პირდაპირი უცხოური ინვესტიციების მოცულობის გასაგებად,  კვარტლის კვარტალთან შედარება, ანალიტიკისთვის მნიშვნელოვანი არაა.

"სტატისტიკურად პირდაპირი უცხოური ინვესტიციებისთვის კვარტლის კვარტალთან შედარება არ არის ინდიკატორი, ეს არ არის ანლიტიკისთვის მნიშვნელოვანი. დიდი იმედი გვაქვს, რომ წლის ბოლოს მონაცემებში დინამიკა იქნება სხვანაირი, თუმცა ის, რომ იყოს ცვლილება, ეს გასაკვირი არაა, რადგან ჩვენი ძირითადი ინვესტორი ქვეყნები არიან ის ქვეყნები, რომლებიც დამოკიდებულნი არიან ნავთობის ფასზზე. ამიტომ, საინვესტიციო მადა ასეთ ქვეყნებში აღარაა ისეთი, როგორიც იყო მაშინ, როცა ნავთობის ფასი მაღალი იყო. ბევრი ფაქტორი ახდენს გავლენას ინვესტიციებზე, ჩვენს გარშემო ყველა ქვეყანაში დევალვაციის ფაქტორი და ა.შ. ამიტომ, დაველოდოთ წლის ბოლოს,  ჩვენ ძალიან ბევრს ვმუშაობთ, რათა მოვიზიდოთ უფრო მეტი ინვესტიცია და დარწმუნებული ვარ, მაჩვენებლი წლის ბოლოს გაცილებით უფრო უკეთესი იქნება",-განაცხადა კვირიკაშვილმა.

მისივე თქმით, დღეს კონკრეტული ციფრების შესახებ პროგნოზების გაკეთება რთულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას