ევროსაბჭოს გენერალური მდივნის ტორბიორნ იაგლანდის განცხადებით, თუ რუსეთი ორგანიზაციის საწევრო გადასახადს არ გადაიხდის, მოსკოვის წინააღმდეგ ახალ სანქციებს მიიღებენ, - ამის შესახებ "რია ნოვოსტი" იუწყება.

ამასთან, იაგლანდმა დასძინა, რომ რუსეთი შესაძლოა ევროსაბჭოდან გარიცხონ.

იაგლანდმა ოფიციალურ მოსკოვს თანხის შესატანად ვადაც დაუწესა. მოსკოვმა საწევრო გადასახადი 2019 წლის შუა პერიოდამდე უნდა გადაიხადოს.

„ევროსაბჭოს წევრი სანახევროდ ვერ იქნები. ევროსაბჭოს წესდების მეცხრე მუხლი ამბობს, რომ თუ ქვეყანა ორი წლის განმავლობაში ორგანიზაციის ბიუჯეტში საწევროს გადასახადს არ გადაიხდის, მაშინ მინისტრთა კომიტეტიდან მისი წარმომადგენლის გარიცხვა შესაძლებელია. რუსეთის შემთხვევაში ორწლიანი ვადა 2019 წლის ივნისში იწურება, რის შემდეგაც კომიტეტის წევრები ვალდებულები არიან გადაწყვეტილება მიიღონ“, – განაცხადა იაგლანდმა.

მისივე თქმით, თუ რუსეთი ორგანიზაციის დატოვებას გადაწყვეტს, მაშინ ევროსაბჭოს ბიუჯეტის კორექტირება გახდება საჭირო.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს