ამერიკის შეერთებული შტატების პრეზიდენტის დონალდ ტრამპის შვილის ივანკა ტრამპის განცხადებით, ის გაერო-ში მუდმივი ელჩის თანამდებობის დაკავებას არ აპირებს. 

შესაბამისი განცხადება ივანკა ტრამპმა Twitter-ის საკუთარ გვერდზე გაავრცელა. 

"ჩემთვის დიდი პატივია თეთრ სახლში არაჩვეულებრივ კოლეგებთან ერთად მუშაობა. დარწმუნებული ვარ პრეზიდენტი გაერო-ში ნიკი ჰეილის ღირსეულ შემცვლელს ნახავს, თუმცა ეს მე არ ვიქნები", - წერს ივანკა ტრამპი.

მანამდე დონალდ ტრამპმა განაცხადა, რომ მისი შვილი გაერო-ში ელჩის პოსტზე შესანიშნავი იქნებოდა. მისივე თქმით ის სიამოვნებით დანიშნავდა ივანკას თანამდებობაზე, თუმცა მას ამის გამო ნეპოტიზმში დაადანაშაულებენ.

შეგახსენებთ, რომ გაერო-ში აშშ-ის ელჩის ადგილი ვაკანტური მას სემდეგ გახდა, რაც ნიკი ჰეილიმ თანამდებობა დატოვა. ამის შესახებ ოფიციალურად 9 ოქტომბერს გახდა ცნობილი. ნიკი ჰეილი და დონალდ ტრამპი ერთმანეთს ოვალურ კაბინეტში შეხვდნენ, რის შემდეგად დონალდ ტრამპმა განაცხადა, რომ ჰეილიმ გადადგომის თაობაზე ინფორმაცია ჯერ კიდევ 6 თვის წინ მიაწოდა. "იმედი მაქვს, რომ ერთ დღეს დაგვიბრუნდება, თანამდებობა შეუძლია თავად აირჩიოს", - განაცხადა ტრამპმა. 

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს