2018-10-04 17:21:47, 1551 ნახვა
რეგიონი
ოსი ჟურნალისტები: მაია ოთინაშვილი თავს კარგად გრძნობს, თუმცა სახლში დაბრუნება სურს
ხურვალეთიდან გატაცებული მაია ოთინაშვილი ე.წ. სახმრეთ ოსეთის ჟურნალისტებმა ცხინვალის ციხეში მოინახულეს, - ამის შესახებ Cominf იუწყება.
ჟურნალისტების ინფორმაციით, მაია ოთინაშვილმა მათთან საუბრისას აღნიშნა, რომ "კარგად ექცევიან, თუმცა სახლში დაბრუნება სურს".
მათივე ცნობით, დაკავებულმა წითელი ჯვრის კომიტეტის ვიზიტზეც ისაუბრა.
შეგახსენებთ, რომ 37 წლის მაია ოთინაშვილი სოფელ ხურვალეთიდან 29 სექტემბერს გაიტაცეს. 2 ოქტომბერს ე.წ. სამხრეთ ოსეთის დე-ფაქტო რესპუბლიკის წარმომადგენლებმა განაცხადეს, რომ „ლენინგორის სასამართლომ“ ოთინაშვილს ორთვიანი წინასწარი პატიმრობა შეუფარდა.
![]()
ავტორი: ,
epn.ge (@expressnews.ge)
