საქართველოს ყოფილი პრემიერ-მინისტრი ვანო მერაბიშვილი კლინიკიდან ისევ ე.წ. მატროსოვის ციხეში გადაიყვანეს. 

მერაბიშვილი კლინიკა "მედიქლაბ ჯორჯიაში" 2 დღის განმავლობაში იმყოფებოდა, სადაც მას დამატებითი გამოკვლევები ჩაუტარდა. გარდა ამისა, მის ჯანმრთელობის მდგომარეობასთან დაკავშირებით, ექიმების კონსილიუმი შეიკრიბა. კონსილიუმში მონაწილეობა ყოფილი მინისტრის ოჯახის მიერ მოწვეულმა მედიკოსებმა, კერძოდ ონკოქირურგი, ნეიროქირურგი და თერაპევტი მონაწილეობდნენ. 

აღსანიშნავია, რომ ბოლო 2 თვის განმავლობაში ექს პრემიერი კლინიკაში უკვე რამდენჯერმე მოათავსეს. სპეციალური პენიტენციური სამსახურის ინფორმაციით, მის სიცოცხლეს საფრთხე არ ემუქრება. საპირისპიროს ამტკიცებენ მერაბიშვილის ადვოკატები და მეუღლე. ადვოკატ გიორგი ჩივიაშვილის მტკიცებით, მისი დაცვის ქვეშ მყოფის მდგომარეობა დამძიმდა და ის მხოლოდ სიმპტომალურ მკურნალობას გადის. 

ვანო მერაბიშვილის კლინიკიდან გადაყვანის კადრებს საზოგადოებრივი მაუწყებელი ავრცელებს. 

ავტორი: ,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა