თბილისში ოხრახუშის დეფიციტია. რამდენიმე სავაჭრო ქსელში ოხრახუშის ძველ მარაგს ყიდიან. ზოგ ქსელებში კი, საერთოდ არ იყიდება. 
ოხრახუშის  დეფიციტია ასევე ბაზარში. ვარკეთილის ე.წ. თათრების ბაზრობაზე ოხრახუში მხოლოდ ერთ  ადგილას იყიდება და  1 კონის ღირებულება 1 ლარს შეადგენს. 

როგორც „ექსპრესნიუსს“ მწვანილის მოვაჭრემ განუცხადა, თბილისში ოხრახუშის შემოტანა არ ხდება, რის გამოც ფასები მკვეთრად გაზრდილია.

"ექსპრესნიუსს" ფერმერთა გაერთიანებაში უთხრეს, რომ წყალტუბოს რაიონიდან, კერძოდ სოფელ მაღლაკიდან, ფარცხანაყანევიდან, გვიშტიბიდან სადაც მწვანილის დიდი რაოდენობა მოდის, ექსპორტი რუსეთში განხორციელდა. მათი ცნობით, ბოლო ორი კვირის განმავლობაში რუსეთის ბაზარზე მწვანილის მოთხოვნა გაიზარდა, რამაც ექსპორტიორები მომგებიან ვითარებაში ჩააყენა.

ეკონომიკის სამინისტროსთან არსებული "ინდუსტრიული განვითარების ჯგუფის" ინფორმაციით, იმერეთის 1000-მდე სასათბურე მეურნეობაში 550 მცირე მეწარმეს და 10 მსხვილ კომპანიას წელიწადში დაახლეობით 25 000 ტონამდე მწვანილი მოჰყავს. ქართული მწვანილი ექსპორტზე ძირითადად უკრაინაში ( 2013 წლის მონაცემებით ექსპორტის 43.5%), ბელარუსში (17.2%), აზერბაიჯანში (17%), ლატვიაში (11.7%), ბულგარეთსა (4.5%) და მოლდოვაში (2.7%) გადის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას