14 წლის გოგონამ, რომელიც გორში, საკუთარ სახლში ფეხსაცმლის თასმით დამხრჩვალი იპოვეს, სავარაუდოდ, თავი მოიკლა.

"ექსპრესნიუსის" ინფორმაციით, არასრულწლოვანი სახლში მარტო იმყოფებოდა.

მას შემდეგ, რაც სახლში დაბრუნებულ დედას კარი არავინ გაუღო, ქალმა მეზობლის ბავშვს სთხოვა, სახლში აივნიდან შესულიყო. სახლში შესვლის შემდეგ ქალმა შვილის ცხედარი იპოვა. მან გოგონას თასმა მაკრატლით გადაუჭრა და მის მოსულიერებას ცდილობდა. ამის შემდეგ მან რამდენიმე საათში სასწრაფო დახმარება გამოიძახა. ადგილზე მისულმა მედიკოსებმა გოგონას გარდაცვალება საეჭვოდ მიიჩნიეს და ინფორმაცია სამართალდამცველებს მიაწოდეს.

პოლიციამ გამოძიება განზრახ მკვლელობის მუხლით დაიწყო, თუმცა უწყებაში არ გამორიცხავენ, რომ მუხლი გადაკვალიფიცირდეს და გამოძიება თვითმკვლელობამდე მიყვანის მუხლით გაგრძელდეს.

როგორც ოჯახთან დაახლოებულმა პირმა ჩვენთან საუბარში აღნიშნა, გოგონა ხშირად მიდიოდა სახლიდან რამდენიმე დღით, თუმცა მშობლები მისი ადგილსამყოფელით არ ინტერესდებოდნენ.

ავტორი: ,

სოციალური ქსელები

მიხეილ სააკაშვილი: პატრიარქის „არჩევნის“ სცენარი ლუბიანკაზე დიდი ხნის წინ დაიწერა.

პოლონეთში ქუჩაში ცემით მოკლული, საქართველოს მოქალაქე 37 წლის გიორგი ჭილაშვილია

უკრაინამ ტუაფსეში ნავთობტერმინალს ორი კვირის განმავლობაში მეოთხედ დაბომბა

რუსეთში Starlink-ის ტერმინალების იმპორტი აიკრძალა