პრეზიდენტის რეზიდენციაში დღეს უშიშროების საბჭოს სხდომა გაიმართება

2018-09-11 10:19:31, 886 ნახვა

პოლიტიკა

საქართველოს პრეზიდენტის მოწვევით დღეს, 15:30 საათზე, ეროვნული უშიშროების საბჭოს სხდომა გაიმართება.

სხდომა პრეზიდენტის ავლაბრის რეზიდენციაში ჩატარდება.

უშიშროების საბჭოს აპარატის ინფორმაციით, დღის წესრიგით გათვალისწინებულია საქართველოს სამხედრო ძალების რაოდენობის განსაზღვრა 2019 წლისთვის და ქვეყნის თავდაცვის სფეროში მიმდინარე რეფორმების პროგრესის განხილვა.

სხდომაზე მომხსენებლები იქნებიან საქართველოს თავდაცვის მინისტრი ლევან იზორია, საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია. გარდა ამისა, სხდომაში მონაწილეობისთვის მიწვეულია ეროვნული უშიშროების საბჭოს ყველა მუდმივი წევრი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები