ოკუპირებული აფხაზეთის დე-ფაქტო პრეზიდენტი რაულ ხაჯიმბა სირიაში "ოფიციალური" ვიზიტით ჩავიდა, - ამის შესახებ "სპუტნიკ-აბხაზია" იუწყება.

მედია საშუალების ინფორმაციით, აეროპორტში დე-ფაქტო პრეზიდენტს სირიის საგარეო საქმეთა მინისტრი ვალიდ ალ-მუალემი დახვდა.

"შეხვედრის ფარგლებში რაულ ხაჯიმბა და ბაშარ ასადი ორ ქვეყანას შორის თანამშრომლობის პერსპექტივებს განიხილავენ", - განაცხადა ე.წ. პრეზიდენტის პრესსპიკერმა.

დე-ფაქტო დელეგაციაში, რომელსაც რაულ ხაჯიმბა ხელმძღვანელობს, შედიან" ე.წ. პრემიერ-მინისტრი გენადი გაგულია, "პრეზიდენტის ადმინისტრაციის ხელმძღვანელი" ბესლან ბარციცი, ე.წ. საგარეო საქმეთა მინისტრი დაურ კოვე, "თავდაცვის მინისტრი" მერაბ კიშმარია და "ეკონომიკის მინისტრი" ადგურ არძინბა.

შეხვედრისა და მოლაპარაკებების დასრულების შემდეგ ოკუპირებულ აფხაზეთსა და სირიას შორის "მეგობრობისა და თანამშრომლობის შესახებ" შეთანხმებას მოეწერება ხელი. აღნიშნული შეთანხმების ფარგლებში "ერთობლივი კომიტეტი" შეიქმნენბა, რომელიც ეკონომიკურ, სავაჭრო, სამეცნიერო, ტექნოლოგიურ და კულტურულ სფეროებში თანამშრომლობას ითვალისწინებს.

ავტორი: ,

სოციალური ქსელები

სოლოვიოვის მიერ იტალიის პრემიერის შეურაცხყოფის გამო, იტალიამ რუსეთის ელჩი დაიბარა

სასამართლომ ალეკო ელისაშვილი კვლავ პატიმრობაში დატოვა

ექიმი მარი მალაზონია: დიუშენის სინდრომის მედიკამენტი არა უბრალოდ წამალია შვილებისთვის, ეს არის სიცოცხლის შესაძლებლობა

მარიამ ქვრივიშვილი ვიზიტით ჩინეთში გაემგზავრა