„მერო ისმინე ხალხის ხმა“ - აქტივისტები მოსკოვის გამზირისთვის ტატუნაშვილის სახელის დარქმევას ითხოვენ (ვიდეო)

2018-08-02 15:06:10, 903 ნახვა

საზოგადოება

"მერო ისმინე ხალხის ხმა", - ამ სლოგანით მოძრაობამ "რუსეთი ოკუპანტია" პერფომანსი გამართა.

მოძრაობის აქტივისტებმა პერფომანსის ფარგლებში, მოსკოვის გამზირს სახელი შეუცვალოს. კერძოდ, ერთ-ერთ კორპუსზე განთავსებული აბრა, წარწერით - "მოსკოვის კამზირი", ახალი აბრით - "არჩილ ტატუნაშვილის გამზირი" ჩაანაცვლეს.

შესაბამისი პერფომანსის ამსახველი ვიდეო ორგანიზაციამ საკუთარ Facebook გვერდზე გაავრცელა.
აღსანიშნავია, რომ ვიდეოში აქციის მონაწილეებს სახეზე თბილისის მერის კახა კალაძის ნიღბები უკეთიათ. ისინი მერის სახელით საუბრობენ.

როგორც ფსევდო-მერი აცხადებს, მას უხარია, რომ თავის გუნდტან ერთად იქნება პირველი, ქუჩას სახელს შეუცვლის.

"ვიმყოფებით მოსკოვის გამზირზე. დაუჯერებელია, მაგრამ ფაქტია, რომ ოკუპაციის პირობებშიც კი, ამ ქუჩას ქალაქის არც ერთმა ხელმძღვანელობამ სახელი არ შეუცვალა. მიცარია, რომ მე და ჩემი გუნდი ვიქნებით პირველები ვინც მოუსმენს ქალაქელებს, ზოგადად ქართველების აზრს, გაითვალისწინებს იმ ძალიან მრავალრიცხოვანი,ძლიერი პეტიციის შედეგს და დღეიდან ამ ქუჩას დაერქმევა საქართველოს გმირის, არჩილ ტატუნაშვილის სახელი. აქვე მინდა გითხრათ, რომ ჩვენ, ქალაქის მერია, ვუერთდებით 7 აგვისტოს 19:00 საათზე რუსეთის ყოფილ საელჩოსთან დაგეგმილ აქციას, რომელიც ოკუპაციის თემას მიეძღვნება", - განაცხადეს პერფომანსის მონაწილეებმა.