2018-07-26 16:29:41, 791 ნახვა

---

იზორია: თუ „ქართულ ოცნებას“ საპრეზიდენტო კანდიდატი არ ეყოლება, ეს აღქმული უნდა იყოს როგორც სიძლიერე

თუ „ქართულ ოცნებას“ საპრეზიდენტო კანდიდატი არ ეყოლება, ეს საზოგადოების მხრიდან უნდა იყოს აღქმული როგორც სიძლიერე და არა სისუსტე, - ამის შესახებ თავდაცვის მინისტრმა ლევან იზორიამ განაცხადა.

როგორც მან აღნიშნა, პოზიცია, რომ მმართველ გუნდს საპრეზიდენტო კანდიდატი არ ჰყავდეს, ინსტიტუტების გაძლიერებიდან გამომდინარე გამოითქვა.

„ეს არის სიძლიერის ნიშანი, რომელიც სახელწმიფოებრივი, პრეზიდენტის ინსტიტუტის გაძლიერების, განმტკიცების და აპოლიტიკური ინტერესებიდან გამომდინარეობს. გამომდინარეობს. აღნიშნული ინსტიტუტის აპოლიტიკურობის ინტერესებიდან გამომდინარე, შესაძლოა უპირატესობა მიენიჭოს ისეთ კანდიდატს, რომელიც არ არის გუნდის წევრი. ჩვენი გუნდის ინტერესია დემოკრატიის და ინსტიტუტების გაძლიერება, მათ შორის საპრეზიდენტო ინსტიტუტის, მით უფრო იმ რეალობაში, როგორიც არის საპარლამენტო რესპუბლიკა. ამ ყველაფერს სახელმწიფოებივი ინტერესიდან და ძლიერის პოზიციიდან უნდა შევხედოთ“ , - განაცხადა იზორიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი