„კარგა ხანია, დავით ჭიჭინაძე უმრავლესობაში თავის თავს ვერ ხედავდა და სწორი იქნებოდა, პარტიიდან წასვლის გადაწყვეტილება თავად მიეღო“, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს განუცხადა.

როგორც მან აღნიშნა, ჭიჭინაძეს შუძლია, „ქართული ოცნების“ სამდივნოს მიერ მიეღებული გადაწყვეტილება პოლიტსაბჭოში გაასაჩივროს.

„დავით ჭიჭინაძე ბუნებრივია, რჩება პარლამენტის წევრად. მე არ ვიცი, თავს სად მოიაზრებს მომავალში, დამოუკიდებელ პარტიიდან გარიცხვის გადაწყვეტილება ლეგიტიმურად და წესების მიხედვით არის სამდივნოს მიერ მისაღები გადაწყვეტილება. უმრავლესობიდან გარიცხვას თავისი პროცედურა აქვს და ეს საკითხი დღის წესრიგში დადგება. მას შეუძლია, რომ გაასაჩივროს სამდივნოს მიერ მიღებული გადაწყვეტილება პოლიტსაბჭოში და პოლიტსაბჭო მიიღებს საბოლოო გადაწყვეტილებას. მათ შორის კითხვას, ბიძინა ივანიშვილმა იცოდა თუ არა და რა პოზიცია აქვს, ძალიან მარტივად გაეცემა პასუხი, თუ გაასაჩივრებს გადაწყვეტილებას. ამ ყველაფერს თვეების განმავლობაში წინ უსწრებდა შეურაცხმყოფელი განცხადებები კოლეგების მიმართ. კარგა ხანია, დავით ჭიჭინაძე უმრავლესობაში თავის თავს ვერ ხედავდა და სწორი იქნებოდა, პარტიიდან წასვლის გადაწყვეტილება თავად მიეღო“, -განაცხადა თამარ ჩუგოშვილმა.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო. როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით