გარემოს დაცვისა და სოფლის მეურნეობის სამინისტროში კლიმატის ცვლილების სფეროში ღია მმართველობის ინიციატივის დანერგვის შესახებ კონფერენცია გაიმართა.

კონფერენციაზე ცენტრალური და ადგილობრივი ხელისუფლების შტოებს შორის კლიმატის ცვლილების სფეროში თანამშრომლობის გაღრმავებაზე იმსჯელეს.

გარემოს დაცვისა  და სოფლის მეურნეობის მინისტრის მოადგილემ, ნინო თანდილაშვილმა კლიმატის ცვლილების შემარბილებელ ღონისძიებებში მუნიციპალიტეტების ჩართულობის მნიშვნელობაზე ისაუბრა.

„ევროკავშირის ინიციატივის - „მერების შეთანხმება“ ხელმომწერთა რიცხვი დღითიდღე მატულობს. დღეისათვის, საქართველოს 23 მუნიციპალიტეტი აღნიშნული შეთანხების წევრია. მუნიციპალიტეტის წარმომადგენლები გამოთქვამენ კეთილ ნებას შეუერთდნენ ცენტრალური მთავრობის გადაწყვეტილებას და თავიანთი წვლილი შეიტანონ პარიზის შეთანხმებით ნაკისრი ვალდებულების შესრულებაში“, - აღნიშნა ნინო თანდილაშვილმა. 

მსოფლიო კვლევითი ინსტიტუტის წარმომადგენელმა, მარკ რობინსონმა შეხვედრაზე კლიმატის ცვლილების საკითხთან მიმართებაში სამოქალაქო ჩართულობის მნიშვნელობას გაუსვა ხაზი.

„კლიმატის ცვლილებისა და მდგრადი განვითარების კუთხით, ძალიან მნიშვნელოვანია სხვა ქვეყნების გამოცდილების გაზიარება. აღნიშნულ პროცესში დიდი როლი ენიჭება ადგილობრივი ხელისუფლების  ჩართულობას. აღსანიშნავია სამოქალაქო საზოგადოების ორგანიზაციებთან თანამშრომლობა, რომლებსაც კლიმატის ცვლილების საკითხთან მიმართებაში ანგარიშვალდებულება აკისრიათ. დღეს ჩვენ „ღია მმართველობის პარტნიორობის“ (OGP) ფარგლებში, კლიმატის ცვლილების საკითხთან მიმართებაში, შესაძლებლობა მოგვეცა გავცნობოდით საქართველოს გამოცდილებას“, - განაცხადა მარკ რობინსონმა.

კონფერენციაზე სხვადასხვა ქვეყნის წარმომადგენლებმა ადგილობრივი მუნიციპალიტეტების წინაშე არსებულ გამოწვევებზე  და კლიმატის ცვლილებით გამოწვეული კატასტროფების შეფასების რაციონალური სისტემის დანერგვის აუცილებლობაზე იმსჯელეს.

კონფერენცია მსოფლიო კვლევითი ინსტიტუტის ორგანიზებით გაიმართა და მასში საერთაშორისო ორგანიზაციების, კერძო და საჯარო სექტორის წარმომადგენლებმა მიიღეს მონაწილეობა.

(NS)

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა