თბილისის მერის, კახა კალაძის განცხადებით, დედაქალაქში მოძრავი ყვითელი ავტობუსები და მიკროავტობუსები კრიტიკულ მდგომარეობაშია.

როგორც კალაძემ აღნიშნა, მერია საზოგადოებრივ ტრანსპორტთან დაკავშირებით გადაწყვეტილებას შესაბამისი კვლევის დასრულების შემდეგ მიიღებს.

„ყველაზე მეტი მგზავრი დღეს მიკროავტობუსებს გადაჰყავთ. აქაც, ისევე როგორც ყვითელ ატობუსებთან მიმართებაში, არის მძიმე მდგომარეობა. მათი 90 პროცენტი არის ძალიან ცუდ მდგომარეობაში. მგონია, რომ რესურსი ამოწურული აქვთ. დღეს რომ მათ ლიცენზია ჩამოვართვათ, მგზავრებს ხომ სჭირდებათ გადაადგილება, სერიოზულ პრობლემას წარმოქმნის. დღემდე დედაქალაქს არ ჰქონია სატრანსპორტო მასტერპლანი. ჩვენ მივიღეთ გრანტი ევროპის რეკონსტრუქციისა და განვითარების ბანკისგან და დავიწყეთ კვლევა რომელსაც კომპანია „სისტრა“ატარებს.ძალიან მალე ჩვენ გვექნება სრული სურათი, თუ როგორი უნდა იყოს საზოგადოებრივი ტრანსპორტი, როგორო უნდა იყოს ხაზები, რა მიმართულებით, საერთოდ გვჭირდება თუ არა ე.წ. ყვითელი მარშრუტკები და ასე შემდეგ. როდესაც ეს კვლევა გვქნება, გადაწყვეტილებების მიღება ძალიან მარტივი იქნება“, – განაცხადა კახა კალაძემ.

ცნობისთვის, თბილისის მერი ავტომანქანების ტექნიკურ ინსპექტირებასთან დაკავშირებულ კონფერენციას დაესწრო. კონფერენციაზე შეფასდა საქართველოში ავტოსატრანსპორტო საშუალებების სავალდებულო პერიოდული ტექნიკური ინსპექტირების რეფორმის პროცესის მიმდინარეობა, პირველადი შედეგები და სამომავლო ნაბიჯები.

ავტორი: ,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო