„ვერ ეღირსებით, რომ მთავარი პროკურორის პოსტი ხელში ჩაიგდოთ, რაც არის თქვენი მიზანი დღეს“, - ასე მიმართა პარლამენტის ბიუროს სხდომაზე „პატრიოტთა ალიანსის“ ლიდერმა ირმა ინაშვილმა „ევროპული საქართველოს“ წევრ ზურაბ ჭიაბერაშილს.

ინაშვილმა „ევროპული საქართველოს“ წევრები, რომლებიც წინა ხელისუფლების რიგებში იყვნენ, დიდი ოდენობით თანხების მითვისებაში დაადანაშაულა.

„მე მინდა ბატონ ზურაბ ჭიაბერაშვილს მივმართო, ვერ ეღირსებით, რომ მთავარი პროკურორის პოსტი ხელში ჩაიგდოთ, რაც არის თქვენი მიზანი დღეს. ეს იმიტომ რომ მოხდეს ყველა იმ მტკიცებულების განადგურება, რაც თქვენი ბოროტი საქმიანობის შესახებ ჯერ კიდევ შემორჩენილია პარლამენტში. ქალბატონმა სოფო კილაძემ გააკეთა განცხადება, რომ 4 მილირადი გამქრალია, 32 მილიონი გამქრალია, კიდევ 8 მილიონი ევრო. სად წავიდა ეს თანხა? არ უნდა აღიძრას ამაზე სისხლის სამართლის საქმეები? სხვათა შორის ეს ფული განკუთვნილი იყო ქვეყნის უსაფრთხოებისთვის. თქვენ ბატონო ზურაბ, გიგა ბოკერიაა, სერგი კაპანაძე თუ სხვები, რომლებიც იმ რეჟიმის ნაწილი იყავით და დღესაც ხართ, თქვენ მოპარეთ ქვეყნის უსაფრთხოებას მილიონები და ამაზე დაიკითხებით, მე გაძლევთ პირობას. სულხან მოლაშვილის წამების ფაქტზეც და ყველა იმ დანაშაულზე დაიკითხებით, რაც ჩადენილი გაქვთ“, - განაცხადა ირმა ინაშვილმა.

ავტორი: ,

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა