მამაკაცი, რომელზეც სასულიერო პირმა სექსუალურად იძალადა რომის პაპ ფრანცისკთან საუბარს იხსენებს და აღნიშნავს, რომ პანტიფიკოსმა მას საკუთარი თავის სიყვარული ურჩია.

CNN-ის ინფორმაციით, ხუან კარლოს კრუზი სექსუალური და ფიზიკური ძალადობის მსხვერპლია და ჩილელი სასულიერო პირის მხრიდან მუდმივი წნეხის ქვეშ იმყოფებოდა.

დაზარალებულმა კრუზმა მომხდარი ინციდენტის შემდეგ ვატიკანში, რომის პაპთან 3 დღე გაატარა. აღნიშნული პერიოდის განმავლობაში პანტიფიკოსი კრუზს მის სექსუალურ ორიენტაციაზე და საკუთარი თავის სიყვარულზე ესაუბრებოდა.

როგორც შემდგომში კრუზმა CNN-თან ინტერვიუში აღნიშნა, ფრანცისკესთან ძალიან ემოციური საუბარი ჰქონდა.

"იცი ხუან კარლოს, შენს სექსუალურ ორიენტაციას მნიშვნელობა არ აქვს. ღმერთმა ასეთად შეგქმნა. ღმერთს ასეთი უყვარხარ. რომის პაპსაც ასეთი უყვარხარ და შენც უნდა გიყვარდეს შენი თავი, არ უნდა ინერვიულო იმაზე, თუ რას იტყვის ხალხი... სწორედ ეს მითხრა რომის პაპმა საუბრისას", - განაცხადა ხუან კარლოს კრუზმა.

მედიის ცნობით, პაპის აღნიშნული სიტყვები კათოლიკური ეკლესიის სწავლებისგან რადიკალურად განსხვავდება, რადგან ეკლესია ჰომოსექსუალობას ცოდვად მიიჩნევს და აცხადებს, რომ ის ღმერთის კანონებს ეწინააღმდეგება.

CNN-ი ვატიკანის პრეს-მდივანს გრეგ ბერკის დაუკავშირდა, თუმცა მისი თქმით, რომის პაპის პირადი საუბრები ვატიკანის შეფასებას არ ექვემდებარება.

ცნობისთვის, სასულიერო პირი ფერნანდო კარამიდა, რომელმაც კრუზზე იძალადა ვატიკანმა 2011 წელს დამნაშავედ ცნო.

აღსანიშნავია, რომ რომის პაპი ლიბერალური დამოკიდებულებით ცხოველების მიმართაც გამოირჩევა. 16 ივნისს, პანტიფიკოსმა განაცხადა, რომ სამოთხის კარი ცხოველებისთვისაც ღიაა. შესაბამისი განცხადება მან მაშინ გააკეთა, როდესაც ერთ-ერთი ბიჭი საკუთარი ძაღლის გარდაცვალებას განიცდიდა.

ავტორი: ,

სოციალური ქსელები

ნიკა მელია - ცილისმწამებლებთან აღარაფერი გაკავშირებს

ბოჭორიშვილი ჰერჩინსკიზე: ქართველი ხალხის ნება გამოხატულია საქართველოს ხელისუფლების არჩევანში

რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში

გახარია საქართველოსთვის: ოპოზიციური ალიანსი „ოცნების“ პოლიტიკას უწყობს ხელს