შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის შეფასებით, ე.წ.  სამხრეთ ოსეთის  რუსეთის შემადგენლობაში შესვლის თაობაზე განცხადებაც კი საფრთხის შემცველია, თუმცა ასეთი ტიპის განცხადებები წლებია კეთდება და რეალურად არაფერი შეცვლილა.
ამის შესახებ  ზაქარეიშვილმა .წ. სამხრეთ ოსეთის დე-ფაქტო პრეზიდენტის ლეონიდ თიბილოვის განცხადების კომენტირებისას აღნიშნა, რომლის თანახმადაც,  სამხრეთ ოსეთი მზადაა, რუსეთის შემადგენლობაში შევიდეს. 
მისივე მტკიცებით, საერთაშორისო სამართალი საქართველოს მხარესაა.
"რაც შეეხება გაერთიანებას, განცხადებაც კი საფრთხის შემცველია, მაგრამ გარდა განცხადებისა, არაფერი არ კეთდება. 99 წელს ჩატარდა ე.წ. უკანონო რეფერენდუმი, მიღებულია გადაწყვეტილება გაერთიანებაზე. მას შემდეგ წელი არ გავა, თვე არ გავა, კვირა არ გავა,  რომ ამაზე საუბარი არ იყოს. ისევ ვამბობთ, ის არის ოკუპაციის ნაწილი, საუბარიც კი ოკუპაციის ნაწილია. ჯერჯერობით საქმე საქმეზე არ მისულა, მაგრამ როგორც კი ამ ტიპის ნაბიჯები იდგმება, მთელი საერთაშორისო სამართალი, საერთაშორისო ურთიერთობები ჩვენს მხარესაა.ყველა რეაგირება, ყველა მათ მიერ გადადგმული ნაბიჯი არის რეაგირებული სერთაშორისო სამართლიდან ძალიან მკაფიოდ და ცალსახად. სხვა საკითხია, რომ არაფერი არ ხდება, რაც ხდებოდა 10-15 წლის უკან, ზუსტად იმავე ტერმინებით,  იმავე  ფრაზებით ხდება გადმომღერება. აშკარაა,  რომ განცხადებების და სიტყვების შემდეგ ჯერჯერობით საქმე არ წასულა. ეს არ ნიშნავს, რომ ყურადღებით არ უნდა ვიყოთ",-განაცხადა პაატა ზაქარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა