გომბორზე ავტოსაგზაო შემთხვევის შედეგად დაშავებულები თელავის რეფერალურ საავადმყოფოში გადაიყვანეს

2018-06-09 13:20:43, 964 ნახვა

საზოგადოება

გომბორის უღელტეხილზე მომხდარი ავტოსაგზაო შემთხვევის შედეგად დაშავებულები თელავის რეფერალურ საავადმყოფოში გადაიყვანეს.

როგორც "ექსპრესნიუსს" საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, შემთხვევის ადგილზე 10 სასწრაფო სამედიცინო ჯგუფი გაიგზავნა.

თელავის რეფერალური საავადმყოფოს ინფორმაციით, მათთან 21 პაციენტია შეყვანილი. პაციენტების ჯანმრთელობის მდგომარეობის შესახებ ინფორმაცია ჯერჯერობით არ ვრცელდება.

ავტოსაგზაო შემთხვევა გომბორზე ცოტა ხნის წინ მოხდა. მიკროავტობუსი, რომლითაც ბავშვები ეკსკურსიაზე გადაყავდათ, ხევში გადავარდა, რის შედეგადაც 4 ადამიანი დაიღუპა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები