ვენდობით თბილისის მერის დაპირებას და მის სიტყვას, – ამის შესახებ  „ერთობა 2013“-ის მიერ გავრცელებულ განცხადებაშია ნათქვამი.

ისინი მეტროს მუშაობის განახლებასთან დაკავშირებით  ინფორმაციას ავრცელებენ, და აღნიშნავენ რომ საზოგადოეაბში გავრცელებული აზრი, რომ მათი გაფიცვა პოლიტიზირებულია, არის დეზინფორმაცია.

„გვინდა გავაკეთოთ განცხადება გაფიცული 240 მემანქანის სახელით. მოგეხსენებათ, გუშინ ჩვენ შევხვდით დედაქალაქის მერს კახა კალაძეს, რომელმაც მოისმინა ჩვენი მოთხოვნები, გაგვაცნო სატრანსპორტო კომპანიაში არსებული მდგომარეობა და თბილისის ბიუჯეტის შესაძლებლობები. მთავარი, რაზეც ორივე მხარე შევთანხმდით, იყო ის, რომ ჩვენი მხრიდან არ ყოფილა ცალსახად დაყენებული საკითხი ხელფასების დაუყონებლივ ზრდის შესახებ და ბატონი კახიც დაგვეთანხმა, რომ თანამშრომელთა შრომითი უფლებების გაუმჯობესებაზე ზრუნვა, მისი, როგორც თბილისის მერის ვალდებულებაა.

კახა კალაძის მხრიდან იყო დაპირება, რომ მომავალი წლიდან დედაქალაქის მთავრობა დაუბრუნდება ამ საკითხს და ერთობლივად განვიხილავთ შესაძლებლობებს, რათა გაუმჯობესდეს მემანქანეების შრომის ანაზღაურება.

ჩვენ გვქონდა დრო, რათა გვემსჯელა და გაგვენალიზებინა შეხვედრის დეტალები და მივსულიყავით კონკრეტულ გადაწყვეტილებამდე. პირველ რიგში, გვინდა ხაზი გაუსვათ, რომ ვენდობით თბილისის მერის დაპირებას და მის სიტყვას. ამასთან, რასაკვირველია, ვაცნობიერებთ თბილისის მოსახლეობის ინტერესებს და გვესმის, რომ ამ დღეების განმავლობაში ისინი მოკლებულები იყვნენ სწრაფი და მოხერხებული გადაადგილების საშუალებას. ამდენად, ჩვენ მზად ვართ, დღეს 14:00 საათიდან მეტროპოლიტენმა განაახლოს მუშაობა.

და ბოლოს, გვინდა გამოვეხმაუროთ საზოგადოებაში გავრცელებულ დეზინფორმაციას, თითქოს ჩვენი პროტესტის უკან დგანან გარკვეული პოლიტიკური ძალები, რომლებიც ცდილობენ პროცესების პოლიტიზებას.

გვინდა ცალსახად განვაცხადოთ, რომ ჩვენ ვემიჯნებით ყოველგვარ პოლიტიკურ ძალებს და ვმოქმედებდით მხოლოდ და მხოლოდ საკუთარი შრომითი უფლებების დასაცავად“, – აღნიშნულია განცხადებაში.

 ცნობისთვის,  დედაქალაქის მეტროპოლიტენმა მუშაობა  14:00 საათზე განაახლა.

შეგახსენებთ, მეტროპოლიტენის მემანქანეებმა გაფიცვა 3 ივნისს 15:00 საათზე დაიწყეს. ისინი გლდანის დეპოში 3 დღის განმავლობაში შიმშილობდნენ. მემანქანეები 45%-ით ხელფასის გაზრდას ითხოვდნენ და აცხადებდნენ, რომ გაფიცვას იქამდე გააგრძელებდნენ სანამ მათი მათხოვნა არ დაკმაყოფილდებოდა. გაფიცვის გამო, თბილისის მეტროპოლიტენმა მუშაობა 4 ივნისს შეწყვიტა, რამაც ქალაქის მასშტაბით მოსახლეობას გადაადდგილების პრობლემა შეუქმნა. ამ პერიოდის განმავლობაში ავტობუსები მოსახლეობას უფასოდ ემსახურებოდნენ. 

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა