მემანქანეები გაიფიცნენ - მეორე დღეა თბილისის ყველა მეტროსადგური დაკეტილია

2018-06-04 09:13:19, 2419 ნახვა

საზოგადოება

მემანქანეების გაფიცვის გამო, დედაქალაქის ყველა მეტროსადგური დაკეტილია. გაფიცვა მეორე დღეა გრძელდება.

მეტროსადგურებში მგზავრებს დღეს შემდეგი შინაარსის აბრა დახვდათ: „მეტრო დაკეტილია, გთხოვთ ისარგებლეთ ავტობუსებით. ავტობუსები მოგემსახურებათ უფასოდ!“.

"დღეიდან მეტროპოლიტენი პარალიზებულია, "ერთობა 2013"-მა სრული შემადგენლობით უვადო გაფიცვა დაიწყო", - ნათქვამია "ერთობა 2013"-ის განცხადებაში.

ცნობისთვის, მეტროს მემანქანეები ხელფასების 45%-ით გაზრდის მოთხოვნით გუშინ გაიფიცნენ და შიმშილობა დაიწყეს. ისინი გლდანის დეპოში იმყოფებან და აცხადებენ, რომ მათი მოთხოვნების შესრულებამდე გაფიცვას არ შეწყვეტენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები