|
2018-05-31 16:57:09, 1175 ნახვა
სამართალი
„პროკურატურა მკვლელებს ხელს აფარებს!“ - საგამოძიებო უწყებასთან საპროტესტო აქცია მიმდინარეობს (ვიდეო)
მთავარ პროკურატურასთან საპროტესტო აქცია „ნუ მომკლავ“ მიმდინარეობს. ადგილზე ასობით ადამიანია შეკრებილი, მათ შორის ხორავას ქუჩაზე მოკლული ახალგაზრდების ოჯახის წევრები და მეგობრები, სტუდენტები, სკოლის მოსწავლეები, პოლიტიკოსები და საზოგადოებისთვის ცნობილი სახეები. ადგილზე ასევე იმყოფება პანკისის ხეობაში ჩატარებული სპეცოპერაციის შედეგად გარდაცვლილი თემირლან მაჩალიკაშვილის მამა, მალხაზ მაჩალიკაშვილი. ერთ-ერთი მოკლულის დავით სარალიძის მამა, ზაზა სარალიძე მთავარი პროკურორის ირაკლი შოთაძის გადადგომას და გამოძიებაზე პასუხისმგებელი პირების დასჯას ითხოვს.მისი თქმით, 6 თვის განმავლობაში პროკურატურა მას ატყუებდა და მისი შვილის მკვლელები არ დასჯილან. აქციის მონაწილეებს ადგილზე მიტანილი აქვთ სხვადასხვა შინაარსის ტრანსფარანტები: „ნუ მომკლავ“, „გადადგეს შოთაძე“, „პროკურატურა მკვლელებს ხელს აფარებს“, „დაისაჯონ მკვლელები“ და სხვა. აქციის მონაწილეების ნაწილი ასევე ამბობს, რომ 51-ე სკოლის დირექტორი სკოლის მოსწავლეებს საშუალებას არ აძლევს, რომ სკოლის ტერიტორია დატოვონ და აქციას შეუერთდნენ. ამასთან, „სამართალდამცველთა რეფორმირების ცენტრის“ ხელმძღვანელის ზვიად კუპრავას განცხადებით, სამართალდამცველებმა პროკურატურისკენ მომავალი ზაზა სარალიძის მხარდამჭერები და მეგობრები დააკავეს. ისინი შს მინისტრს გიორგი გახარაის მათ დაუყოვნებლივ გათავისუფლებას სთხოვენ. ცნობისთვის, მთავარ პროკურატურაში ირაკლი შოთაძემ ბრიფინგი გამართა და აღნიშნა, რომ ზაზა სარალიძესთან შეხვედრისთვის მზადაა, თუმცა სარალიძე უწყებაში ამ დრომდე არ შესულა, რადგან ის მედიის გარეშე შეხვედრაზე უარს ამბობს. ტერიტორიაზე სამართალდამცველების დიდი რაოდენობაა მობილიზებული. პროკურატურის მიმდებარედ საავტომობილო გზა გადაკეტილია.
ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში
პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს
თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა
ბათუმში სამსართულიან საცხოვრებელ სახლში ხანძარია
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)