"ხალხი გამოფხიზლდა, სამ ოპოზიციურ პარტიას, ჩვენის ჩათვლით, უფრო მეტი რეიტინგი  აქვს, ვიდრე "ქართულ ოცნებას", - ამის შესახებ "ნაციონალური მოძრაობის" წევრმა რომან გოცირიძემ IRI-ის კვლევის შეფასებისას განაცხადა. 

დეპუტატის შეფასებით, "შეუძლებელია, რომ იმ უსამართლობას და ძალადობას, რომელიც  ქვეყანაშია, ხელისუფლებისთვის შედეგი არ მოეტანა". საპარლამენტო უმცირესობის წევრმა დასძინა, რომ " ქართული ოცნების" მზის ჩასვენება დაიწყო.

"ეს ძალიან მნიშვნელოვანი გარდამტეხი მომენტია. ხელისუფლება ხალხის თვალში მარცხდება და " ქართული ოცნება" ამ რეიტინგსაც ვერ შეინარჩუნებს. შეუძლებელია, რომ მომავლისთვის "ქართული ოცნების" რეიტინგი ამ მაჩვენებელზე შენარჩუნდეს, თუ გავითვალისწინებთ, რომ გრძელდება ხელისუფლების უზურპაცია და ძალადობა. სასიამოვნოა, რომ "ნაციონალური მოძრაობის" რეიტინგი გაიზარდა. ჩვენ ვართ ის პარტია, რომელიც რეიტინგით მეორე ადგილზეა და სერიოზულ განაცხადებას აკეთებს ხელისუფლების შესაცვლელად. ხელისუფლება, რომ მარცხდება ხალხის თვალში ადასტურებს ამ გამოკითხვის სხვა შედეგები. არავინ ენდობა მთავრობას, პრემიერმინისტრის აპარატს და არ ენდობა არავინ ამ შენობაში მოკალათებულ დეპუტატებს და რაც ყველაზე სავალალოა, არავინ ენდობა სასამართოს, როგორც წინა გამოკითხვით, ახლაც სასამართლო ბოლო ადგილზეა, ის ხელისუფლების მიერაა მართული", - განაცხადა რომან გოცირიძემ.

ცნობისთვის, IRI-ს კვლევის თანახმად, „ხვალ რომ საპარლამენტო არჩევნები იყოს გამოკითხულთა 27% ხმას „ქართულ ოცნებას“ მისცემდა, 17% კი, ენმ-ს“. 

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება