საქართველოს ბიზნესასოციაცია ხელისუფლებას მოუწოდებს, მოგების გადასახადის გაუქმების საკითხზე მუშაობა დააჩქაროს. 

როგორც ბიზნესასოციაციის პრეზიდენტმა გიორგი ჭირაქაძემ ასოციაციის წარმომადგენლების ბიზნესომბუდსმენთან შეხვედრის დასრულების შემდეგ განაცხადა,  გიორგი გახარიასთან მოგების გადასახადის საკითხსა და საპენსიო რეფორმაზეც ისაუბრეს.
„მოგების გადასახადის გაუქმებასთან დაკავშირებით მოსაზრება პირველად ჩვენს სამეურვეო საბჭოში წელიწადნახევრის წინ დაიბადა. ვიცით, რომ ხელისუფლება ამ თემას პოზიტიურად უყურებს, ვიცით პრობლემების შესახებაც, რადგან მოგების გადასახადის გაუქმება იწვევს ხელისუფლებისთვის დამატებითი რესურსების მოძიების, სხვა არხების გამოძებნის აუცილებლობას. ეს რომ მარტივი არ არის, ბატონმა გიორგი გახარიამ აგვიხსნა და გვესმის, მაგრამ ჩვენ მკაფიო პოზიცია გვაქვს, რომ დღეს არის დრო, მოხდეს ძალიან მნიშვნელოვანი ეკონომიკური გადაწყვეტილებების მიღება, რომ ქვეყანაში ეკონომიკა გამოცოცხლდეს, ახალი ინვესტიციები უფრო მეტად წამოვიდეს, ინვესტორებს სურვილი გაუჩნდეთ, რომ ქვეყანაში მეტი ინვესტიციები განახორციელონ", - აღნიშნა გიორგი ჭირაქაძემ. 
მისივე თქმით, ასევე მნიშვნელოვანი თემაა საპენსიო რეფორმა, თუმცა უკვე მრავალი წელია, მისი გადადება ხდება. როგორც ჭირაქაძემ განაცხადა, ჯერ კიდევ წინა ხელისუფლების დროს იყო ეს ბოლომდე მიყვანილი, თუმცა, სამწუხაროდ, წინა ხელისუფლებამ ამ რეფორმის განხორციელება გადადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო