საქართველოს ეკონომიკისა და მდგრადი განვითარების მინისტრის მოადგილე გიორგი ჩერქეზიშვილი გერმანიის ფედერაციული რესპუბლიკის ტრანსპორტისა და ციფრული ინფრასტრუქტურის სამინისტროს სახელმწიფო მდივანს გუიდო ბერმანს შეხვდა. მხარეებმა ორ ქვეყანას შორის ტრანსპორტის, ლოგისტიკის და კავშირგაბმულობის სფეროში თანამშრომლობის გაღრმავების საკითხები განიხილეს.

შეხვედრაზე განსაკუთრებული ყურადღება დაეთმო საქართველოზე გამავალი ე.წ. ,,შუა დერეფნის" გამოყენების საკითხებს. მხარეებმა ასევე განიხილეს საზღვაო ტრანსპორტის სფეროში თანამშრომლობის გაღრმავებისა და ტექნიკური დახმარების გამოყოფის საკითხები. 

შეხვედრის ფარგლებში, ხელი მოეწერა  საზღვაო ტრანსპორტის სფეროში თანამშრომლობის  ორ დოკუმენტს: ,,გერმანიის ფედერაციული რესპუბლიკის ტრანსპორტისა და ციფრული ინფრასტრუქტურის სამინისტროსა და საქართველოს ეკონომიკისა და მდგრადი განვითარების სამინისტროს შორის საზღვაო ტრანსპორტის სფეროში თანამშრომლობის განზრახულობათა ერთობლივ დეკლარაციასა" და ,,გერმანიის ფედერაციული რესპუბლიკის ტრანსპორტისა და ციფრული ინფრასტრუქტურის სამინისტროსა და საქართველოს ეკონომიკისა და მდგრადი განვითარების სამინისტროს შორის საზღვაო პორტებისა და ლოგისტიკის სფეროში თანამშრომლობის განზრახულობათა ერთობლივ დეკლარაციას".

დოკუმენტების თანახმად, ორივე მხარემ აიღო ვალდებულება, გააღრმავონ თანამშრომლობა საზღვაო ტრანსპორტის სფეროში საზღვაო გარემოს დაცვის, უსაფრთხოებისა და უშიშროების კუთხით, ასევე, მხარეები ერთობლივად იმუშავებენ პორტების ინფრასტრუქტურის ფუნქციონირების გაზრდაზე, როგორც მნიშვნელოვანი ლოგისტიკური ჰაბის, რომელიც საერთაშორისო  სატრანსპორტო გადაზიდვების ზრდისა და მზარდი ორმხრივი ეკონომიკური ურთიერთობების წინაპირობაა.

შეხვედრა გერმანიის ქალაქ ლაიფციგში საერთაშორისო სატრანსპორტო ფორუმის ყოველწლიური სამიტის ფარგლებში გაიმართა.

(NS)

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა