დიმიტრი შევარდნაძის სახელობის ეროვნულ გალერეაში დიდი იტალიური ხელოვნების გამოფენა გაიხსნა. ღონისძიებას თბილისის მერი კახა კალაძე  დაესწრო. 

დედაქალაქის მერმა გამოფენა საქართველოში იტალიის ელჩთან, ანტონიო ენრიკე ბარტოლისთან და საქართველოს ეროვნული მუზეუმის დირექტორ დავით ლორთქიფანიძესთან ერთად  დაათვალიერა. 

კახა კალაძემ გამოფენის ორგანიზატორებსა და იტალიის საელჩოს მსოფლიო შედევრების თბილისში გამოფენისთვის მადლობა გადაუხადა. 

გამოფენა პროგრამა Check in Georgia-ს ფარგლებში იმართება  და საქართველოს დამოუკიდებელი  რესპუბლიკის 100 წლის იუბილეს ეძღვნება. გამოფენაზე წარმოდგენილია ტიციანის „ღვთისმშობელი ყრმით“ და  რენესანსის დიდოსტატები - ტურინის სამეფო ბიბლიოთეკის კუთვნილი 45 გრაფიკული ნამუშევარი. 

ნამუშევრების ავტორებს შორის ასევე, არიან რენესანსის პერიოდის ისეთი დიდოსტატები, როგორიცაა ლეონარდო და ვინჩი, მიქელანჯელო, რაფაელი, ბოტიჩელი, ბრამანტინო, სინიორელი, ვაზარი, პინტურიკიო და სხვები. გალერეაში წარმოდგენილია თანამედროვე იტალიური ხელოვნების - გარუცოს ვიზუალური ხელოვნების ინსტიტუტის გამოფენაც, რომელიც 18 იტალიელი მხატვრის ნამუშევრებს აერთიანებს. 

აღნიშნული პროექტი იტალიის საელჩოსა და საქართველოს ეროვნული მუზეუმის თანამშრომლობის შედეგია. ინიციატივის მხარდამჭერები არიან იტალიური მხრიდან - იტალიის საგარეო საქმეთა სამინისტრო და პროგრამა VivereALL’Italiana, ხოლო ქართული მხრიდან  კულტურისა და სპორტის სამინისტრო, ტურიზმის ეროვნული ადმინისტრაცია. 

იტალიური ხელოვნების გამოფენა ეროვნულ გალერეაში 26 აგვისტომდე გაგრძელდება. 

(NS)

ავტორი: ,

სოციალური ქსელები

ბერეკაშვილი: ეს იყო არა ფასების დაკლების, არამედ ფასების შემსწავლელი კომისია

დაბომბვის შემდეგ პირველად ისტორიაში, სერბეთმა ნატოსთან ერთად პირველი სამხედრო წვრთნა დაიწყო

საფრანგეთში, ნოროვირუსის აფეთქების გამო, კარანტინში მოათავსეს 1700 ადამიანის გადამყვანი საკრუიზო გემი

დუმამ ოკუპირებულ ცხინვალთან მოკავშირეობის გაღრმავების კანონპროექტი მიიღო